Saılaý-2022: Erlan Qarın saılaýda óz tańdaýyn jasady
Memlekettik keńesshi elordadaǵy №111 saılaý ýchaskesinde tańdaý jasady.
«Búgin óte mańyzdy kún. Ár azamat óziniń Konstıtýtsııalyq quqyǵyn paıdalanyp, daýys bere alady. Óz bolashaǵymyz jáne el bolashaǵynda jaqsy ózgerister kerek desek, saılaýǵa belsene qatysýymyz qajet. Saılaý elimizdiń bolashaqtaǵy damý baǵdaryn anyqtaıdy. Búgingi naýqanǵa el ishinde sonymen qatar shetelde de qyzyǵýshylyq joǵary. Saılaý barysyn 600-den astam halyqaralyq baıqaýshy qadaǵalap jatyr. Odan bólek, otandyq baıqaýshylar bar», - dedi Erlan Qarın BAQ ókilderiniń suraǵyna jaýap bere turyp.
Onyń aıtýynsha, bıylǵy saılaýda qoǵam belsendi.
«Búgin daýys berý arqyly árkim óz tańdaýyn jasaıdy. Bul elimizdiń bolashaq damýy úshin mańyzdy. Saılaý – memlekettiń damýyna ózgerister ákeletin múmkindik. Sondyqtan azamattardy saılaýǵa belsene qatysýǵa shaqyramyn», - deıdi ol.
