Saılaý-2021: Qyzylordada múmkindigi shekteýli azamattarǵa 30 ınvataksı qyzmet kórsetýde
QYZYLORDA. QazAqparat - Qyzylorda oblysynda búgingi saılaý barysynda jaramsyz bıýlletender ázirge tirkelgen joq. Bul týraly oblystyq saılaý komıssııasynyń tóraǵasy Ǵalym Baımyrzaev habarlady, dep habarlaıdy QazAqparat tilshisi.
«Ázirge saılaýshy bıýlletendi búldirip alǵan jaǵdaı tirkelgen joq. Eger baıqaýsyzda bıýlleten búlinse, sol ýchaskede akt toltyrylady. Ol jaramsyz bolyp sanalady», - dedi Ǵ. Baımyrzaev.
Jalpy, oblysta saılaýshylardyń sany – 492 198. Bul aımaq halqynyń 60,7 paıyzy. Óńirde 376 saılaý ýchaskesi bar. Saılaý komıssııasynyń 2821 múshesi qyzmet kórsetýde. Onyń 1128-i arnaıy oqý kýrstarynan ótken bolatyn.
Aımaqta 13 myńǵa jýyq múmkindigi shekteýli saılaýshy bar. Olardyń ýchaskege kelip, óz tańdaýyn jasaýy úshin 30-ǵa jýyq ınvataksı qyzmet kórsetýde.
Aıta keteıik, qart kisiler jáne naýqastyǵy bar azamattar úshin tasymaldanatyn jáshikter daıyndalǵan.
