Saılaý-2021: Frantsııa men Belgııada qazaqstandyqtar daýys berip jatyr
BRıÝSSELЬ - PARIJ. QazAqparat – Qazirgi ýaqytta Frantsııa astanasynda - №246, al Belgııa astanasy Brıýsselde - № 241 saılaý ýchaskesi jumys istep tur, dep habarlaıdy QazAqparattyń menshikti tilshisi.
Saılaý ýchaskesi Qazaqstan Respýblıkasynyń Frantsııadaǵy Elshiligi janynan uıymdastyryldy.
Qazaqstan Respýblıkasyndaǵy saılaý týraly» QR Konstıtýtsııalyq Zańynyń 38-babynyń 1-tarmaǵyna sáıkes, daýys berý Parıj ýaqyty boıynsha saǵat 07:00-den 20:00-ge deıin ótkiziledi.
Daýys berýshiler tiziminde 121 QR azamaty bar.
Onyń ishinde dıplomattar, qazaqstandyq stýdentter jáne Frantsııada turaqtap qalǵan otandastar bar.
Al Belgııadaǵy №241 saılaý komıssııasynyń tóraǵasy Erbolat Sembaev daýys berý koronavırýs juqtyrýdy boldyrmaıtyndaı etip uıymdastyrylǵanyn habarlady.
«Biz sanıtarlyq qaýipsizdik sharalaryn qabyldadyq: kabınalar jeldetilip, sanıtaızer ornatyldy, sondaı-aq temperatýra ólshenip, daýys berýshilerdiń áleýmettik araqashyqtyǵy saqtalady. Pandemııaǵa baılanysty Belgııa birqatar karantın sharalaryn engizdi, osyǵan baılanysty daýys berýshilerdiń sany az bolady dep kútilýde», - dedi E. Sembaev.
Qazaqstandyq stýdentterdiń kópshiligi qashyqtan bilim alady, sondyqtan olar qazir Qazaqstanda. Osynda qalǵan stýdentter óz daýsyn bere alady
