Saılaý-2019: Kandıdattyń saılaý qoryna túsken jasyryn qarajat bıýdjet kirisine alynady
«QR Saılaý týraly» týraly Konstıtýtsııalyq zańynyń 20-baby 3-tarmaǵyna sáıkes, memleket prezıdenttikke kandıdattarǵa óz baǵdarlamasymen buqaralyq aqparat quraldaryna shyǵý úshin qarajattyń teń bóligine kepildik beredi. Kandıdattarǵa BAQ-qa shyǵý úshin qarajat bólý qaǵıdalary men kólemi týraly 2018 jylǵy 25 tamyzdaǵy №12202 qaýlyǵa sáıkes, kandıttarǵa teledıdarda - 15 mınýt, radıoda - 10 mınýt, merzimdi baspasózde nemese jelilik basylymdarda 0,1 baspa paraqtan aspaıtyn eki maqala jarııalaý úshin birdeı kólemde qarajat bólý kózdelgen. Sondaı-aq, «Saılaý týraly» Konstıtýtsııalyq zańnyń 33-baby 2-tarmaǵyna sáıkes, respýblıkalyq bıýdjet qarajatynan kandıdattyń saılaý aldynda kópshilik sharalaryn ótkizýge, úgit materıaldaryn shyǵarýǵa, kólikke jumsaıtyn shyǵyndary jabylady. Osyǵan oraı, OSK qaýlysynyń jobasy ázirlengen. Qaýly jobasymen QR Prezıdenttigine kandıdattyń shyǵyn mólsheri 7 mln 331 200 teńge kóleminde belgilenip otyr», - dedi ol.
Sonymen qatar, komıssııa hatshysy prezıdenttikke kandıdattyń saılaý qory týraly aıtty.
«Birinshiden, kandıdattyń óz qarajaty jáne ony usynǵan respýblıkalyq qoǵamdyq birlestik kandıdatqa bólingen qarajattyń jalpy somasy zańnamada belgilengen eń tómengi jalaqynyń 12 000 ese mólsherinen aspaıdy, bul - 510 000 000 (bes júz on mıllıon) teńge. Ekinshiden, respýblıkanyń azamattary men uıymdarynyń erikti qaıyrymdylyǵynyń jalpy somasy zańnamada belgilengen eń tómengi jalaqy mólsherinen 15 000 eseden aspaıdy, bul - 637 500 000 teńgeni quraıdy», - dedi OSK hatshysy.
Onyń aıtýynsha, belgilengen mólsherden tys artyq túsken aqsha qarajaty saılaý qorlaryna eseptelýge jatpaıdy jáne olardy engizgen azamattar men uıymdarǵa qaıtarylady. Jasyryn qaıyrymdylyq qarajaty respýblıkalyq bıýdjet kirisine aýdarylady.
«Saılaý qorlaryna tek zańdy jolmen alynǵan qarajat qana jiberilýi múmkin. Saılaý qorynyń qarajatyna bılik etý quqyǵy Qazaqstan Respýblıkasy Prezıdenttigine kandıdattarǵa ǵana tıesili», - dedi S.Mustafına.
