Saılaý-2019: 71 myńnan astam bıýlleten jaramsyz dep tanyldy

NUR-SULTAN. QazAqparat - 71 myńnan astam bıýlleten jaramsyz dep tanyldy. QR Ortalyq saılaý komıssııasy 2019 jylydń 9 maýsymynda ótken kezekten tys prezıdenttik saılaýdyń qorytyndy derekterin jarııa etti, dep habarlaıdy QazAqparat tilshisi.

«Saılaýǵa qatysqan saılaýshylardyń jalyp sany 11 960 364 adam. Saılaý bıýlletenine 7 kandıdat engizildi. Respýblıka boıynsha alynǵan bıýlletenderdiń sany - 12 067 475. Saılaý bıýlletenderin alǵan saılaýshylardyń sany 9 274 466 nemese saılaýshylardyń jalpy sanynyń 77,5 paıyzy. Daýys berýge qatysqan saılaýshylardyń sany - 9 274 034», -dedi QR Ortalyq saılaý komıssııasynyń múshesi Lázzat Súleımen Ortalyq saılaý komıssııasynyń otyrysy barysynda.

QR OSK múshesiniń dereginshe, onyń ishinde daýys berý quqyǵyn beretin esepten shyǵarý kýálikteri boıynsha daýys berýge qatysqan saılaýshylardyń sany 22 427 nemese barlyq saılaýshylardyń 0,19 paıyzyn quraıdy.

«Daýys berýge arnalǵan úı-jaıdan tys daýys berýge qatysqan saılaýshylardyń sany 105 612 nemese saılaýshylardyń 0,88 paıyzy. Jaramsyz dep tanylǵan saılaý bıýlletenderiniń sany 71 624 nemese barlyq bıýlletenderdiń 0,59 paıyzy. Joıylǵan bıýlletenderdiń sany 793 010», - dedi ol.