SAILAÝ-2015: T. Syzdyqov respýblıkalyq saılaýaldy shtabynda jınalys ótkizdi
ASTANA. QazAqparat - Búgin QKHP usynǵan QR Prezıdenttigine kandıdat Turǵyn Syzdyqov respýblıkalyq saılaýaldy shtabynda kezekti jınalysyn ótkizdi.
Ol: «Men Astana, Kókshetaý, Petropavl jáne Qostanaı qalalarynda stýdent, oqytýshy jáne óndiris oryndarynyń ókilderimen kezdestim. Men olarǵa, bizdiń partııanyń keshegi kúnin oı eleginen ótkizip, kúrdeli kezeńnen ysylyp shyqqandyǵyn jetkizdim.
Biz óz jumysymyzdy ádil qoǵam týraly marksıstik-lenındik túsinikterdi saqtaı otyryp qurýǵa jáne osy arqyly ádiletsiz tustaryn joıýǵa tyrysamyz».
Sondaı-aq, ol saılaýshylaryn mazalap júrgen, kommýnıstik partııa tuǵyrnamasyndaǵy dástúrli ustanymdar týraly oı bólisti.
Stýdentter men jumysshylar bizdiń ustanymymyz eskirip, qazirgi zamannyń talaptaryna jaýap bere almaıdy degen pikirlerin bildirgende, men olarǵa ǵylymı kommýnızm klassıkteriniń sózderi men tezısterin mysalǵa keltirdim: «materıalızm negizine qurylǵan marksızmniń kúshi men ómirsheńdigin tarıhı damýdyń árbir qadamy dáleldep otyr».
«Batystyń kemshilikteri, ásirese mádenıet salasynda anyq baıqalady, sebebi tutynýshylyq sana, kóp jaǵdaıda, jeke bastyń qamyn ómirdiń máni dep qarastyrady. Batystyq adam birtindep adamgershilik qundylyqtaryn joǵaltýda. Kez kelgen ádispen aınalasynan erekshelenip, ózine nazar aýdartqysy keledi», - dep málimdedi Turǵyn Syzdyqov.
Sondaı-aq, batystyq mádenıettiń úzdik kórinisi men onyń qazirgi zamanda adamdar kóp elikteıtin mysaldary týraly pikirler aıtyldy.
Almaty qalasynda QR Prezıdenttigine kandıdat T.Syzdyqovtyń saılaýaldy shtaby atqarylyp jatqan jumystary týraly aıtty.
«Búgin qalalyq saılaýaldy shtaby QR Prezıdenttigine kandıdat T. Syzdyqovty qoldaý úshin qala turǵyndarymen is-sharalar ótkizýde», - dedi qalalyq partııa komıtetiniń jetekshisi E.Beısembaev.
Onyń markstik-lenındik ıdeıalarǵa negizdelgen saılaýaldy tuǵyrnamasy Qazaqstan Kommýnıstik Halyqtyq partııasynyń ıdeıalaryn nasıhattaıdy.
Qoǵamdyq ıdealdardyń batystyq tutynýshylyq standarttarmen almastyrylýy, jastardy jaýapsyz «toǵyshar tirshilik ıesine» aınaldyrýy múmkin.
Tutynýshylyqqa degen betburys jastardyń baǵdaryn ózgertedi. Osy yqpalǵa kónikkenderdiń óz kúshimen jetistikke jetýge degen yqylastary joıylyp «daıyn asqa tik qasyq» qasıet qalyptasady.
Kandıdattyń senimdi tulǵasy, QKHP múshesi Irına Smırnova: «Caılaýaldy nasıhat kezinde partııa batystyq mádenıet pen qundylyqtardyń kóleńkeli áserine basa nazar aýdaratyn bolady. Qalyptasqan qundylyqtarǵa qaramastan zorlyq-zombylyqqa, azǵyndyqqa toly jáne tez paıda tabýdy kózdeıtin kınoblokbasterler men Internet materıaldary - qazirgi batystyq mádenıettiń ónimderi. Batystyq mádenıet bıznestiń bir tarmaǵyna, al onyń basty sharttary shekteýli materıaldyq qundylyqtarǵa aınaldy.
Qazirgi zamanǵy batys óneri óziniń mazmunyn joǵaltýda jáne prımıtıvti-emotsıonaldyq deńgeıge deıin túsip ketti», - dedi.
