SAILAÝ -2015: Sheteldiktermen qatar otandyq baıqaýshylar da tıimdi baqylaý júrgizýleri tıis - V. Abramov
ALMATY. QazAqparat- Saılaýlarǵa tıimdi baqylaý júrgizý isin sheteldiktermen qatar, otandyq baıqaýshylar da júzege asyrýlary tıis. Bul týraly búgin QazAqparat tilshisine «Vlast» baspa úıiniń bas redaktory Vıacheslav Abramov málim etti.
«Qazaqstan kezekten tys Prezıdent saılaýyna sheteldik baıqaýshylardyń belsendi túrde qatysýyna múmkindik bere otyryp, onyń ashyq sıpatta ótýin qamtamasyz etýde. Sońǵy jyldarda elimizde uıymdastyrylǵan saılaý naýqandarynyń barlyǵyna da sheteldik baıqaýshylardyń qatysqanyn aıta ketken jón. Degenmen, saılaýǵa sheteldik mamandarmen qosa, otandyq baqylaýshyldar da baqylaý júrgizýleri tıis dep sanaımyn. Al bul jerde olardyń biliktiligin arttyrý úlken mańyzǵa ıe» - dedi sarapshy.
Onyń aıtýynsha, Saılaýlardy baqylaý jónindegi respýblıkalyq qoǵamdyq Komıssııa bul mindetti oıdaǵydaı atqaryp keledi. Muny sońǵy saılaý naýqandarynan baıqaýǵa bolady.
«Komıssııa óte mańyzdy qyzmet atqarady. ıAǵnı, otandyq baıqaýshylardy kóptep daıyndaıdy jáne olardyń biliktiligin arttyrýǵa kúsh salady. Óıtkeni, baıqaýshylar bir ǵana Prezıdent saılaýy emes, basqa da saılaýlarǵa qatysatyn bolady. Mysaly, bul jerde aldaǵy jyly ótkiziletin Parlament saılaýyn aıtýǵa bolady. Sondyqtan olar kez kelgen saılaý naýqanyna laıyqty baqylaý júrgize alatyn joǵary bilikti maman bolýlary tıis» - dedi V. Abramov.
