SAILAÝ-2015: Prezıdenttikke úmitker T.Syzdyqovtyń aımaqtyq shtabtary úgit-nasıhat jumystaryn belsendi jalǵastyrýda

Búgin kandıdattyń Batys Qazaqstan oblysyndaǵy saılaýaldy shtaby ótkizgen jáne josparlanǵan is-sharalary týraly baıandap berdi.

«Eń aldymen, biz basty nazarymyzdy oblystyń aýdandyq eldi mekenderine, onyń ishinde oblys ortalyǵynan alshaq jatqan aýyldarǵa aýdaryp, jumystarymyzdy solarǵa ıkemdep qurdyq. Sebebi elimizdegi árbir azamat partııamyz nasıhattap otyrǵan marksızm-lenınızm ıdeıasyn bilýi kerek. Úgit materıaldary - plakattar men paraqshalar keńinen taratylyp jatyr. Onda kommýnızmniń negizgi ıdeıalary kórinis tapqan», - dedi partııanyń oblystyq komıtetiniń jetekshisi S.ıArlygasımov.

«Marksızm - bizder, kommýnıster úshin, qorshaǵan orta ózgergen saıyn únemi jetilip otyratyn shyǵarmashylyq ǵylym. Onyń qalyptasqan qaǵıdalary men ıdeıalary kúni búginge deıin ózektiligi men mańyzdylyǵyn joıǵan joq. Biz alǵa qoıǵan maqsattarymyzǵa qol jetkizý úshin marksızm-lenınızmdi jáne QKHP baǵdarlamalyq josparyn jan-jaqty nasıhattaıtyn bolamyz», - dep saılaýaldy tuǵyrnamadan úzindi keltirdi oblystyq komıtet jetekshisi.

- Sondaı-aq, partııa qyzmetkeri batystyq qundylyqtardyń keri áserin nazardan tys qaldyrmady. Bul másele de T.Syzdyqovtyń saılaýaldy úgit-nasıhat naýqanynyń negizine engen taqyryp: «Eýropalyq elderde tutynýshylyq qoǵam qurylymdarynyń qalyptasýynan týyndaǵan batystyq mádenıet daǵdarysy batystyq órkenıettiń ámbebap qundylyqtar men áleýmettik turmys-tirshilik normalaryna degen narazylyqtaryna qarama-qaıshy kelýde.

Batys mádenıeti bızneske aınalyp, materıaldyq paıda izdegen maqsat onyń basty sharty boldy.

Aqylǵa qonymsyz batystyq bassyzdyq pen jalǵan jasampazdyq ǵasyrlar boıy qalyptasyp, tártipke aınalǵan adamgershilik qasıetterdi kóleńkege ysyryp barady».

Óz kezeginde T.Syzdyqovtyń Atyraý oblysyndaǵy saılaýaldy shtabynyń jetekshisi E.Dáýletqalıev aımaqta úgit-nasıhat naýqany qyzý qarqyn alǵanyn atap ótti.

«Biz aımaq jurtshylyǵymen, onyń ishinde shalǵaı aýdandardyń turǵyndarymen kezdesý ótkizip, olarǵa úgit materıaldaryn taratyp jatyrmyz. Kandıdatymyzdyń saılaýaldy tuǵyrnamasynyń negizgi baǵyttarymen tanystyrdyq», - dedi kandıdattyń senimdi tulǵasy.

Onyń aıtýynsha, úgit jumystarynda Internette áleýmettik jelilerdiń múmkindikteri molynan paıdalanylýda. Onda QKHP ótkizgen is-sharalar týraly materıaldar jarııadanady.

«Buqaralyq aqparat quraldarymen tyǵyz baılanys ornatqanymyzdy atap ótkim keledi. Jýrnalıster bizdiń is-sharalarymyzǵa belsendi qatysyp, sáıkes materıaldaryn gazetterde jarııalap, telearnalarda kórsetip jatyr», - dedi ol.

«Jalpy alǵanda, QKHP usynǵan prezıdenttikke úmitkerdiń aımaqtyq shtaby óz jumysynda eshqandaı qıyndyq kórip otyrǵan joq», - dep qorytty E.Dáýletqalıev.