SAILAÝ-2015: Prezıdenttikke úmitker Á. Qusaıynovtyń aımaqtyq shtabtary saılaýshylarmen belsendi jumys júrgizýde
ASTANA. QazAqparat - Qazaqstan Respýblıkasy Prezıdenttigine kandıdat Ábilǵazy Qusaıynovtyń Ońtústik Qazaqstan jáne Aqtóbe oblystaryndaǵy senimdi tulǵalary onyń saılaýaldy tuǵyrnamasy týraly túsindirý jumystaryn júrgizip, úgit materıaldaryn taratýmen aınalysady.
Ońtústik Qazaqstan oblysynda 19 senimdi tulǵa bar. Onyń bári aldaǵy saılaý jumystaryna qyzý daıyndalyp jatyr. Úgit-nasıhat materıaldaryn taratyp, plakattar men únparaqtardy ilip, aýyldy jerlerde bılbordtar ornatýda. Taǵy bir másele - kandıdattyń saılaýaldy tuǵyrnamasyn nasıhattaý. Belsendiler úgit-nasıhat naýqanynyń zańǵa sáıkestigin qatań baqylaýda ustaıdy.
QR Prezıdenttigine úmitker Ábilǵazy Qusaıynovtyń senimdi tulǵasy Aıgúl Bekbosynnyń aıtýynsha, shtabta úgit-nasıhat jumystary qyzý júrip jatyr.
Shymkent qalasynda 2 bılbord ornatyldy. Jergilikti atqarý organdary belgilep bergen aýdandar men qalalarda úgit-nasıhat materıaldary, plakattar ilinip jatyr.
Kandıdattyń Aqtóbe oblysyndaǵy saılaýaldy shtabynda 16 senimdi tulǵa jumys isteıdi. Onyń úsheýi Aqtóbe qalasynda, qalǵandary aýdandar boıynsha belsendi úgit jumystaryn júrgizýde.
Qalada arnaıy bólingen jerlerge kandıdattyń saılaýaldy tuǵyrnamasy jazylǵan 2,5 myń baǵdarlama ilindi. Turǵyndar arasynda 150 únparaq taratyldy. Sondaı-aq oblystyń birqatar aýdandaryna úgit materıaldaryn jetkizý jumystary júrgizilýde.
QR Prezıdenttigine úmitker Á.Qusaıynovtyń aımaqtyq shtabynyń ókili N.Dýlıa atap ótkendeı, qyzmetkerler barlyq tıisti jumystardy oryndap jatyr. ıAǵnı, Aqtóbede qajetti aqparattyń bári qoljetimdi.
Jalpy alǵanda, QR Prezıdenttigine úmitker Á.Qusaıynovtyń saılaýaldy shtabtarynda jumys josparǵa saı júrip jatyr.
