SAILAÝ-2015: Prezıdenttikke kandıdat T.Syzdyqovtyń aımaqtyq shtabtary atqarylyp jatqan jumystary týraly esep berdi

Nasıhat jumystarynyń barysy týraly saılaýaldy shtabtyń jetekshisi Nurlan Qadyrqulov baıandady.

Ol Ońtústik Qazaqstan oblysy saılaýaldy shtabynyń qarqyndy aqparattyq qyzmeti týraly aıtyp berdi.

Shtab jetekshisiniń aıtýynsha, nasıhat jumystary júrgizilip, stýdentter jáne eńbekshi ujymdarymen kezdesýler uıymdastyrylýda, senimdi tulǵalar oblys turǵyndary arasynda aqparattyq saıasatty júrgizýmen aınalysýda.

Sonymen qatar, shtab keńsesi jýrnalıster jáne baqylaýshylar úshin árdaıym ashyq, úgit nasıhat materıaldarymyz jetkilikti jáne kandıdattyń saılaýaldy tobynyń músheleri kerekti keńesterdi berýge ázir.

Kandıdat T.Syzdyqovtyń senimdi tulǵasy Z.Muhamedjanov saılaýaldy tuǵyrnamanyń basty baǵyttaryna toqtaldy.

«Kommýnıstik halyqtyq partııasy qyzmetiniń negizinde - tutas, birizdi ǵylymı dúnıetanymǵa súıengen marksızm-lenınızm ıdeıalary jatyr.

Materıalızm, ekonomıkalyq ilim jáne ǵylymı kommýnızm teorııasy marksızmdi quraýshy basty bólimder bolyp tabylady. Marksızm ǵylymdy damytýdaǵy jańashyldyqtar men jańa málimetterdi taratý negizinde úzdiksiz damyp, jetilip otyratyn shyǵarmashylyq bilim bolyp tabylady», - dep atap ótti Z.Muqamedjanov.

Qazirgi zamanǵy batys óneri óziniń mazmunyn joǵaltýda jáne prımıtıvti-emotsıonaldyq deńgeıge deıin túsip ketti», - dedi ol.

Sondaı-aq ol, álemdik kommýnızm ıdeıasy basty maqsat bolyp qala bermek ekenin aıtty. Kommýnıstik qoǵamnyń ádiletti lozýngi - «Árkimniń qabiletine qaraı, árkimniń qajettiligine oraı».

Sonymen qatar, atqarylǵan jumystary týraly Qyzylorda oblysy saılaýaldy shtabynyń jetekshisi T.Teleýbaev baıandady: qazirgi tańda nasıhat jumystary oblystyń barlyq aýdandaryn qamtýda.

Turǵyndarmen kezdesýler únemi ótkizilýde, olarǵa óziniń mańyzdylyǵyn joımaıtyn marksızm-lenınızm ıdeıasynyń negizderi túsindirilýde.

«Ustanymdaryna berik naǵyz kommýnıst ózine artyǵyn almaıdy, batystyń arbaýshy jarnamalaryna aldanbaıdy. Qarapaıym taǵamdarmen qorektenip, ysyrapshylyqqa jol bermeıdi, materıaldyq baılyqty ómirdiń mánine aınaldyrmaıdy, óziniń jeke damýyna jáne jaqyndaryna qol ushyn beredi», - dedi kandıdattyń senimdi tulǵasy.

Onyń pikirinshe, batystyq qoǵamdy aram pıǵyldar dendep alǵan, rýhanı bastaýlarmen sanaspaıdy, barlyǵy paıda tabýǵa baǵyttalǵan.

Adamdar basty adamgershilik qasıetterin joǵaltyp, marketıng zańdylyqtaryna baǵynǵan tutynýshylarǵa aınalýda. Batystyq jarnama ómirdiń mánin, mazmunyn, maǵynasyn ózgertip belgili bir taýardy adamdarǵa kúshtep júkteýde.

«Batystyń kemshilikteri ásirese mádenıet salasynda anyq baıqalady, sebebi tutynýshylyq sana, kóp jaǵdaıda, jeke bastyń qamyn ómirdiń máni dep qarastyrady. Batystyq adam birtindep adamgershilik qundylyqtaryn joǵaltýda», - delingen kandıdattyń saılaýaldy tuǵyrnamasynda.