SAILAÝ-2015: Prezıdenttikke kandıdat T.Syzdyqovtyń Aqtóbe jáne Jambyl oblystaryndaǵy shtabtary qarqyndy jumystar atqarýda

«Búginde Jambyl oblysyndaǵy saılaýaldy shtaby oblys ortalyǵynyń turǵyndary úshin QR Prezıdenttigine kandıdat Turǵyn Syzdyqovty qoldaýǵa arnalǵan is-sharalar ótkizýde», - dep málim etti partııanyń oblystyq komıtetiniń jetekshisi J.Mamasheva.

Kandıdattyń saılaýaldy tuǵyrnamasy Qazaqstan Kommýnıstik Halyq partııasynyń ıdeıalaryn nasıhattap, marksızm-lenınızm ıdeıalaryna negizdelip qurylǵan.

Qoǵamdyq ıdealdardy batystyq tutynýshylyq standarttardyń almastyrýy jastardy «toǵyshar tutynýshyǵa» aınaldyrýy múmkin.

Tutynýshylyqqa qurylǵan baǵdar jastardyń baǵytyn ózgertedi. Osyndaı yqpalǵa tap bolǵandar ne nársege óz kúshimen qol jetkizýden bas tartyp, «aýyrdyń ústimen, jeńildiń astymen» júrýdi ádetke aınaldyrady.

Kandıdattyń senimdi tulǵasy G.Jumabaeva úgit-nasıhat naýqany kezinde partııanyń basty nazary batystyq mádenıet pen qundylyqtardyń keri áserine bólinip otyrǵanyn málim etti.

«Batystyq úlginiń eń negizgi qaýipti kórinisteri - kompıýterlik oıyndar, fılm-blogbasterler, sapasyz ádebıet arqyly keń taraǵan zorlyq-zombylyq, qataldyq kýltteri.

Shekteýli tutynýshylyqqa tárbıeleıtin jappaı zorlyq-zombylyq nasıhaty jastardy óz toryna túsirip, aqyl-esinen, adamgershilik qasıetterinen aıyrýda. Sol arqyly adam ómiri qunsyzdanyp barady.

Árbir ekinshi batystyq fılm, beıneklıptiń nemese áýenniń astarynda qatygezdik, enjarlyq, nemquraılylyq, is-áreketke degen jaýapsyzdyq belgileri jatyr», - deıdi shtab múshesi QKHP usynǵan kandıtattyń baǵdarlamasyna silteme jasaı otyryp.

«Batys jastary otbasylyq qundylyqtar, dástúr, birizdilik, úlkenderdi qurmetteý, otansúıgishtik sııaqty adamgershilik qasıetterge múlde jat tutynýshylyq standarttarmen ómir súrip jatyr. Munyń bári rýhanı nıgılızmge úndeıtin ashyq nasıhattyń saldary.

Mundaı qoǵamda ómir súretin adamdaryń ómirlik qaǵıdattary - jalqaýlyq jáne materıaldyq ashkózdik, tolyq moraldik jaýapsyzdyq», - dedi G.Jumabaeva.

Oblystyq komıtet jetekshisi J.Mamasheva málim etkendeı, QKHP usynǵan QR Prezıdenttigine kandıdat T.Syzdyqovtyń saılaýaldy naýqanynyń josparyna sáıkes, saılaýshylar arasynda úgit-nasıhat jumystary qarqyndy júrip jatyr.

«Úgit-nasıhat jumystary shtattyq josparǵa sáıkes, eshqandaı kedergilersiz ótýde. Jergilikti halyqpen kezdesip, kandıdattyń saılaýaldy baǵdarlamasyn belsendi túsindirip jatyrmyz», - deıdi ol.

Óz kezeginde Aqtóbe oblystyq shtabynyń jetekshisi J.Moldashev Turǵyn Syzdyqovtyń saılaýaldy tuǵyrnamasynyń negizgi baǵyttaryna toqtaldy.

«Jeńil aqshanyń sońyna túsip, zorlyq-zombylyqty ashyq jarnamalap jatqan batystyq kınoındýstrııa men Internet resýrstar - qazirgi batystyq teris mádenıettiń saldary.

Batystyń kemshilikteri ásirese, mádenıet salasynda anyq baıqalady. Sebebi, tutyný, kóp jaǵdaıda, materıaldyq qajettilikti qanaǵattandyrýdy ómirdiń máni dep qarastyrady.

Batys adamy birte-birte adamgershilik qundylyqtaryn joǵaltýda. Kez kelgen ádispen aınalasynan erekshelenip, ózine nazar aýdartqysy keledi.

Batystyq mádenıet bıznestiń bir tarmaǵyna, al onyń basty sharttary shekteýli materıaldyq qundylyqtarǵa aınaldy.

Batystyq órkenıet elderi aqyl-es aýytqýy men genetıkalyq aýrýlar boıynsha jáne ǵalamdyq semizdik reıtınginde kósh bastap keledi. Osylaısha olar ózderiniń tegin joǵaltýda. Munyń bárine salaýatty ómir saltyn ustanbaı, fast-fýd pen basqa da gendi-modıfıkatsııalanǵan taǵamdardy úzdiksiz tutynýlary sebep.

Myqty moraldik negizi, túp-tamyry, ulttyq sanasy, qandaıda bir dinı ustanymdary men ulttyq rýhanı ıdeıalary bolmasa, ondaı eldiń bolashaǵy da joq.

Memlekettiń basty baılyǵy - onyń adamdary. Salaýatty, zaıyrly ult qaǵıdattary adamǵa náreste shaǵynan sińirilýi kerek. Balalar tek paıdaly taǵamdardy tutynyp, dene shynyqtyrýmen aınalysyp, sezim, syılastyq jáne qurmet sııaqty otbasylyq qundylyqtardy tanyp ósýi kerek.

Jastar dástúrli qundylyqtar men qoǵamdyq ıdealdardy tanyp óskende ǵana batystyq mádenıettiń yqpalynan qutylady», - dedi ol.

Kandıdattyń Aqtóbe oblysyndaǵy senimdi tulǵasy B.Jumaǵulova Turǵyn Syzdyqovtyń oblystyq saılaýaldy shtaby úgit-nasıhat jumystaryn júrgizip, oblys turǵyndaryn qajetti aqparatpen qamtamasyz etip otyrǵanyn jetkizdi.

Onyń aıtýynsha, shtabta 5 senimdi tulǵa men oblystyq komıtettiń jıyrmaǵa jýyq belsendisi bar. Olar kúndelikti partııa jumysynan bólek, úgit-nasıhat jumystarymen de aınalysady. Atap aıtqanda, partııanyń baspasóz ónimderin taratyp, halyqpen kezdesýler uıymdastyryp, saılaýshylardyń úıine baryp, úgit jumystaryn júrgizip jatyr.

«Internet pen áleýmettik jelilerde belsendi jumys júrgizip jatyrmyz. Ózimizdiń partııalyq saıtymyz ben «Qazaqstan kommýnısti» degen gazetimiz bar. Olardyń kómegimen kez kelgen adam partııa ómirimen keńinen tanysa alady», - dedi B.Jumaǵulova.