SAILAÝ-2015: Konstıtýtsııalyq Keńestiń tóraǵasy QR Prezıdentin saılaýdy baıqaý jónindegi EQYU/DIAQB-nyń Mıssııasyn qabyldady
ASTANA. QazAqparat - Konstıtýtsııalyq Keńestiń tóraǵasy I.I. Rogov Qazaqstan Respýblıkasynyń Prezıdentin saılaýdy baıqaý jónindegi Eýropadaǵy Qaýipsizdik jáne Yntymaqtastyq Uıymynyń Demokratııalyq ınstıtýttar men adam quqyqtary jónindegi bıýrosy (EQYU/DIAQB) Mıssııasyn qabyldady.
Bul týraly Qazaqstan Respýblıkasy Konstıtýtsııalyq Keńesiniń baspasóz qyzmeti habarlady.
Kezdesý barysynda I.I. Rogov el basshylyǵy aldaǵy prezıdenttik saılaýdyń Konstıtýtsııaǵa jáne halyqaralyq standarttarǵa sáıkes ádil, aıqyn jáne ashyq ótýine asa mán beretinin atap ótti.
EQYU Mıssııasynyń ókilderi elimizdiń saılaý quqyǵy salasyndaǵy memlekettik quqyqtyq saıasatynyń basty baǵyttary týraly, Konstıtýtsııalyq Keńestiń Ata Zań ústemdigin qamtamasyz etýdegi qyzmeti, sondaı-aq saılaý úderisindegi ókilettiligi týraly jáne saılaý zańnamasyna qatysty sheshimderi jóninde habardar boldy.
