SAILAÝ-2015: Qazaqstanda saılaý úderisi úılesimdi ári uıymdasqan túrde ótip jatyr - saıasattanýshy
ALMATY. QazAqparat - Qazaqstanda kezekten tys Prezıdent saılaýyna qatysty saılaý úderisi úılesimdi ári uıymdasqan túrde ótip jatyr. Bul týraly QazAqparat tilshisine belgili qazaqstandyq saıasattanýshy Danııar Áshimbaev málimdedi.
«Jalpy saılaý úderisi jaqsy uıymdastyrylǵan. Zańnama talaptary muqııat oryndalýda. Bastapqyda birqatar jekelegen tehnıkalyq máseleler oryn alǵany belgili. Biraq, olardy boldyrmaý úshin shtabtar tıimdi jumys isteýde. Sondyqtan da saılaý úderisi úılesimdi ári uıymdasqan túrde ótip jatyr. Kemshilikter túzetilip, usynystar eskerildi. Naýqan barysynda ázirge zań buzýshylyqtar tirkelgen joq» - dedi saıasattanýshy.
Sonymen qatar, Danııar Áshimbaev saılaý aldy naýqanynyń joǵary dárejede uıymdastyrylǵanyn atap ótti. Sonyń arqasynda elimizdiń barlyq óńirleri boıynsha saılaýshylar keń kólemde qamtyldy.
