SAILAÝ-2015: Qazaqstan prezıdenttigine QKHP atynan úmitker T.Syzdyqov Astanada EGÝ stýdentterimen kezdesti

«Búgin batystyq qundylyqtarda rýhanı dúnıeler joqtyń qasy, olardyń tynys tirshiligi ádeptilikten ada, jeńil paıdaǵa negizdelgen. Batys elderinde qara bastyń qamyn ǵana oılaý birinshi orynǵa shyǵyp, ómir saltyna aınaldy. Osynyń barlyǵy da súreńsiz statıstıkalardyń ósýine alyp kelip otyr. Aıtalyq, batysta qazir jalǵyzbasty qarttardyń sany artyp keledi, al týý kórsetkishi kerisinshe jyl sanap kemı túsýde», dedi óziniń sózinde T.Syzdyqov.

Sondaıaq ol qalyń kópshiliktiń nazaryn elimizge keri áserin tıgizip otyrǵan jalǵandyqqa negizdelgen batystyń mádenıetine aýdardy.

«Batystyq kınematografııada óziniń mazmuny jaǵynan elimizdi qurdymǵa aparatyn jaıttar dáripteledi. Onda joǵalǵan qundylyqtardyń orny ýaıym, qaıǵysyz, alaıda búkil mán-maǵynasyn joǵaltqan, adamgershilikten ada ómirmen almastyrylady. Gollıvýdtyq týyndylar óziniń maqsatyńa barlyq qundylyqtardy aıaqqa taptap, shekten tys áreketterge baryp, ózimbilermendikpen jetýdi nasıhattaıdy. Al kınodaǵy shekten tys aıýandyq pen qatygezdik ıdeal deńgeıine deıine kóterilip, ómirdi istegen isińe jaýap bermeı súre berýge bolady degen uǵym qalyptastyrady. Barlyq batystyq fılmderde derlik ómirge tek paıdakúnemdikpen qaraý beleń alǵan. ıAǵnı, adam ómirden óziniń jaıly ómir súrýi úshin qajettiniń barlyǵyn ala berý kerek, al rýhanı dúnıege onda oryn joq. Barlyǵy materıaldyq qundylyqqa negizdeledi», - dedi ol.

Sonymen qatar, T.Syzdyqov batystyq úlgide tamaqtanýdyń da teris yqpaly bar ekendigi jóninde aıtty.

«Bir qaraǵanda, fast-fýd degenińiz óte yńǵaıly ári únemdi. Biraq bizge osylaı tamaqtanýdyń zııany qanshalyqty degendi oılanatyn ýaqyt jetti. Fast-fýdty óndirýge ne satýǵa qurylǵan bıznes onyń ıelerine sapasy tómen úlken ónimderdi paıdalaný esebinen úlken tabys ákeledi. Mundaı zııandy taǵamǵa úlken jarnama jasalyp, túrǵyndardy ony satyp alýǵa ıtermeleıdi», - dedi T.Syzdyqov.

Kezdesý barysynda kandıdattyń saılaýaldy shtabynyń jetekshisi Aıqyn Qońyrov ta sóz sóıledi. Ol T.Syzdyqovtyń saılaýaldy baǵdarlamasynda kóterilgen máselelerdiń barlyǵy jan-jaqty zerdelengenin aıtty. «Búgin biz óte nátıjeli kezdesý ótkizdik. T.Syzdyqov batys qundylyqtary men standarttarynyń zııany jóninde oryndy másele kóterip otyr. Biz áli Qazaqstannyń kóptegen aımaqtarynda kezdesýler ótkizip, kompıýterlik oıyndar men áleýmettik jelilerdiń zııandyǵy jóninde aıtpaqpyz», - dedi A.Qońyrov.

Sóziniń sońynda QR prezıdenttigine kandıdat T.Syzdyqov óziniń saılaýaldy jumys naýqanyna qatysty stýdentter tarapynan qoıylǵan birqatar saýaldarǵa jaýap berip, shtabtyń aldaǵy josparlarymen bólisti.