SAILAÝ-2015: Kandıdat T.Syzdyqov aımaqtyq saılaýaldy shtabtary jetekshilerimen skaıp-konferentsııa ótkizdi

Kirispe sózinde T.Syzdyqov úgit-nasıhat naýqany joǵary dárejede jarııa jáne teń múmkindikter jaǵdaıynda ótkizilip otyrǵanyn jetkizdi.

«Osy saılaý naýqany arqasynda biz buqara halyqtyń nazaryn aýdaryp, saılaýaldy baǵdarlamanyń negizgi basymdyqtary men qaǵıdalaryn jetkizdik», - dedi T.Syzdyqov.

«Kandıdattyń úgit-nasıhat poezy segiz aımaqqa baryp, saılaýshylarmen 60-tan astam kezdesýler ótkizildi. Biz ózimizdiń kommýnıstik tuǵyrnamamyz, marksızm-lenınızm ıdeıalary, jalpyadamzattyq qundylyqtar - beıbitshilik, turaqtylyq pen tózimdilik, ınternatsıonalızm men halyqtardyń dostastyǵy týraly áńgime qozǵadyq. Halyqtar arasyndaǵy ózara túsinistik pen ortaq órkendeý men beıbitshilik úshin barlyq halyqtardyń ózara árekettestikke tartylý qajettigi týraly pikirtalastar júrgizdik», - dedi Turǵyn Ysqaquly.

Sodan keıin oblystyq komıtet jetekshileri jumys nátıjeleri jóninde baıandady. Batys Qazaqstan oblysy boıynsha saılaýaldy shtabynyń jetekshisi S.ıArlygasymov nasıhatshylardyń 18 eldi mekendi aralap, saılaýshylarmen kezdesý barysynda kandıdattyń baǵdarlamasy týraly baıandaǵanyn jetkizdi.

Atyraýda da jumys óz jalǵasyn tabýda. Atyraý oblysy boıynsha saılaýaldy shtabynyń jetekshisi E.Dáýletqazıev baıandaǵandaı, aımaqta júrgizilip otyrǵan jumys jemisti. Shtab qyzmetkerleri Aqkól, Maqat, Aqqystaý, Kólsary aýdandyq ortalyqtarda kezdesýler ótkizgen.

«Aqtóbelik saılaýaldy shtabynda 5 senimdi tulǵa jáne 20 obkom belsendileri, búkil oblys boıynsha 120 nasıhattaýshy qyzmet etip keledi», - dedi J.Moldashev.

«Mańǵystaý oblystyq saılaýaldy shtaby Aqtaý qalasynan basqa úsh eldi mekende - Shetpe, Fort Shevchenko, Munaıshy qalalarynda kezdesýler ótkizdi», - dep baıandady obkom jetekshisi R.Mahambetova.

Saılaýaldy shtabynyń Ońtústik Qazaqstan oblysy boıynsha jetekshisi N.Qadyrqulovtyń aıtýynsha, Ońtústik Qazaqstan oblysynda shalǵaı jatqan aýdandar da qamtyldy. Osy ýaqytqa deıin 250-den astam kezdesýler jáne 15 000-ǵa jýyq adamdar qamtyldy.

Belsendi jumys Qyzylorda jáne Jambyl oblystyq saılaýaldy shtabtarymen júrgizilýde, olar oblys turǵyndary men eńbek ujymdarymen 100-den astam kezdesýler ótkizdi.

Respýblıkalyq shtab jetekshisi A.Qońyrov elde 16 oblystyq jáne 1 respýblıkalyq saılaýaldy shtaby qyzmet etip otyrǵanyn, kandıdattyń 100-ge jýyq senimdi tulǵalarynyń tirkelgenin, úgit-nasıhat jumysynda 15 000-nan astam belsendiler men nasıhattaýshylar tartylǵanyn baıandady.

Basylymdar men elektrondy buqaralyq aqparat quraldarynda, teledıdarǵa kandıdat pen aımaqtyq saılaýaldy shtabtarynyń qyzmeti týraly myńnan astam aqparat jarııalandy.

«Biz «Kazahstanskaıa pravda», «Egemen Qazaqstan» gazetterimen, «Bnews» saıtymen, «24kz», «Habar», «QazAqparat» agenttikterimen tyǵyz yntymaqtastyq ornattyq», - dedi A.Qońyrov.

Orys jáne qazaq tilderindegi saılaýaldy beınerolıkteri tórt resýblıkalyq «KTK», «Habar», «31 kanal», «Qazaqstan» telearnalarynda kórsetilip keledi.

Qazirgi kezge deıin beınejazba 184 ret kórsetildi. «Qazaq radıosynda» eki tilde úgit-nasıhat aýdıojazbasy taratylýda.

Búkil respýblıkada, oblys ortalyqtaryndaǵy, aýdandar men aýyldardaǵy jarnamalyq oryndarda 600 000 saılaýaldy plakattary ilingen. Árbir oblys ortalyǵynda 80 bılbord ornatylǵan.

Sonymen birge T.Syzdyqovtyń belsendileri halyqaralyq baqylaýshylarmen kezdesýler ótkizdi, EQYU ókilderi barlyq oblystyq saılaýaldy shtabtardyń qyzmetkerlerimen kezdesti.

Respýblıkalyq shtabta da EQYU basshysymen jáne saılaýdy baqylaý boıynsha respýblıkalyq qoǵamdyq komıssııanyń ókilderimen kezdesýler ótkizildi. Saılaý naýqany qandaı da quqyq buzýshylyqsyz, ulttyq zańnama men halyqaralyq normalardyń talaptaryna sáıkes júzege asyrylyp keledi.

Sonymen qatar búgin Qazaqstan Kommýnıstik halyq partııasy atynan Qazaqstan Respýblıkasy Prezıdenttigine kandıdat T.Syzdyqov pen jas kommýnıster toby qyzyl lentalarmen ásemdelgen kógershinderdi aspanǵa ushyrdy. Olardy ushýy dúnıejúzindegi beıbitshilikti, turaqtylyq pen órkendeýdi, sondaı-aq kommýnıstik ıdeıalardyń jańa bıikterge kóterilýin sıpattaıdy.

Sharanyń 40-tan astam qatysýshylary qustardyń ushqanyn qyzyl jalaýshalarmen qarsy aldy.

Aktsııa qatysýshylarynyń aldynda baıandama jasaı kele, T.Syzdyqov búgingi kúni beıbitshilik pen órkendeý ıdeıalaryn alǵa tartý jastarǵa túsinikti jáne aıqyn rámizderdiń qajet ekenin jetkizdi.

«Osy kógershinderdiń ushýy astarynda tek aıqyn jáne túsinikti rámizder men maqsattar bizdiń jastardyń jańa kókjıekterge jetýin bildiretin ıdeıa jatyr», dedi ol.

Beıbitshilik qusy dep tanylǵan kógershin dúnıejúziniń barlyq jerindegi urpaqtardyń ókilderine túsinikti ınternatsıonaldyq rámiz bolyp tabylady.

Ol sondaı-aq: «Іzgilik, meıirbandyq jáne qonaqjaılyq - bizdiń kórshilermen dostyǵymyzdyń berik negizi. Osy qundylyqtar bizdiń jerimizde birlik pen órkendeýge alyp keledi. Bizdiń mádenıetimizdiń birtutastyǵy men qaıtalanbastyǵy ınternatsıonalızm qaǵıdalaryna negizdelgen», - degen oıyn jetkizdi.

«Osy saılaý naýqany arqyly kommýnıster ózderiniń qaǵıdalary men marksıstik-lenındik ilim negizderin jetkize aldy. Men segiz aımaqta bolyp, 15 qalaǵa baryp, saılaýshylarmen 60-tan astam kezdesýler ótkizdim», - dedi T.Syzdyqov aktsııa qatysýshylaryna.

Qyzyl lentalar aspanda jelbiregen sátte, partııanyń jas ókilderi atynan V.Smırnov baıandama jasady.

«Aspandaǵy kógershinder bizdiń jas seriktesterimizdi jańa jetistikterge jigerlendiredi. Bizdiń birligimiz qarapaıyp ári barshaǵa túsinikti beıbitshilik pen turaqtylyq rámizderi tóńireginde kúsheıip keledi. Bizdiń aktsııamyz urpaqtar arasyndaǵy tyǵyz baılanys pen úlkenderdi qurmetteý ıdeıasyn sıpattaıdy. Osyndaı ózara túsinýshiliktiń mańyzyn asyra baǵalaý múmkin emes. Bizdiń kandıdat otbasylyq qundylyqtardy qoldap, batys mádenıetiniń jaǵymsyz tustaryna qarsy shyǵýda jáne biz ony barynsha qoldaımyz. QKHP marksızm-lenınızm ıdeıalaryn damytýdy jalǵastyrýda jáne jas kommýnıster onyń tek jaqsysyn alýda, olar izgilik, ınternatsıonalızm men órkendeýge umtylys. Tek halyqtardyń dostastyǵy men barlyq elderdiń beıbit dıalogy beıbitshilik pen turaqtylyqtyń pármendi quraldary bolyp tabylady. Bizdiń negizderimiz qyzyl lentalarmen kórkemdelgen osy keremet qustardyń ushýy sııaqty qarapaıym ári túsinikti», - dedi V.Smırnov.

Ushyp bara jatqan qustarǵa baqylaı otyryp, sharanyń qatysýshylary olarǵa qyzyl jalaýshalarmen qol bulǵap, Internatsıonal gımnin oryndady.