SAILAÝ - 2015: Kandıdat T. Syzdyqov «Astanagazservıs» JShS ujymymen kezdesti

Kezdesý barysynda kandıdat Syzdyqov óziniń saılaýaldy tuǵyrnamasynyń basty baǵyttarymen tanystyrdy.

Aldymen, ol Qazaqstan Kommýnıstik Halyqtyq partııasynyń qyzmeti ǵylymı sotsıalızm ıdeıalary, markstik-lenındik ilim men progressıvti qoǵamdyq oılarǵa negizdelip qurylǵanyn atap ótti.

«Biz qoǵamdyq damýdyń birtutas materıalıstik teorııasy retinde marksızm-lenınızmniń ǵylymı jáne ıdeologııalyq negizderine súıenip qyzmet atqaramyz.

Alǵa qoıylǵan maqsattarǵa jetý úshin marksızm-lenınızmdi jáne Qazaqstan Kommýnıstik Halyqtyq partııasynyń baǵdarlamalyq sharttary men onyń qyzmetin nasıhattaý qajet» - delingen T. Syzdyqovtyń saılaýaldy tuǵyrnamasynda.

Sonymen qatar, Turǵyn Syzdyqov óziniń saılaýaldy tuǵyrnamasynyń taǵy bir qaǵıdaty - batys mádenıetiniń teris yqpaly jaıynda másele kóterdi.

«Rýhanılyqtyń mánin túsiretin batys qundylyqtary maqsatty túrde astamshyl tutynýshylyq sana qalyptastyrýda», - dep atap ótti óz sózinde.

Batystyń kemshilikteri ásirese mádenıet salasynda anyq baıqalady, sebebi tutynýshylyq sana, kóp jaǵdaıda, jeke bastyń qamyn ómirdiń máni dep qarastyrady.

Batystyq adam birtindep adamgershilik qundylyqtaryn joǵaltýda. Kez kelgen ádispen aınalasynan erekshelenip, ózine nazar aýdartqysy keledi. Adamnyń psıhıkasy men densaýlaǵyna tikeleı qaýip tóndiretin aqparattyq yqpaldar bar.

Sheteldik jattandy taqyryptar BAQ, kınoónimder, túrli tanymal tok-shoýlar jáne jýrnaldar arqyly taralýda. Alǵashqy bolyp óziniń qundylyǵyn januıa jáne neke ınstıtýttary joǵaltýda. Óz ata-analaryn qurmetteýden bas tartyp, qarııalardyń balalarymen, nemerelerimen baılanysy úziledi.

T.Syzdyqovtyń oıynsha, januıalyq ómirdiń mundaı kóleńkeli jaqtary ólshem jáne teń quqylyq retinde berilip jat úlgiler men ómirlik sharttardy kózsiz kóshirý adamılyqtan aýytqýǵa, jekeleı enjarlyqqa, azamattyq nemquraıdylyqqa ákeledi.

«Eýropalyq elderde tutynýshylyq qoǵam qurylymdarynyń qalyptasýynan týyndaǵyn batystyq mádenıet daǵdarysy batystyq órkenıettiń ámbebap qundylyqtar men áleýmettik turmys-tirshilik normalaryna degen narazylyqtaryna qarama-qaıshy kelýde», - delingen kandıdattyń saılaýaldy tuǵyrnamasynda.

Batys qoǵamynda jastardy tárbıeleýde januıalyq-týysqandyq jáne ulttyq erekshelikter eskerilmeıdi. Eresek jasqa jetisimen batys jastary ata-analaryn tastap óz aldaryna tabys taýyp jáne jeke ómirlerin qurýǵa kirisedi. Osylaı urpaqtyń bir birimen baılanysy úzilip, rýhanı-moraldyq quldyraýǵa ushyraıdy.

Ózara kómek jáne qaıyrymdylyq degen batys qoǵamynda álsizdikti jáne aıaqqa tura almaǵandyqty bildiredi, al ómirde qıyn jaǵdaıǵa tap bolǵan adam olardyń kózinde beıshara halge túsip, dereý ómirlik jarystan shyǵyp qalady.

Sondyqtan batys qoǵamynda jetistikke jetýdiń teorııasy qatań qoldanylady. Barlyq qadamdar qalaı da jetistikke jetýge baǵyttalǵan. Kez kelgen jeńilis adamdy birden quzǵa ıtermelep adamǵa aıyqpas aýyr soqqy bolyp tıedi. Qatigezdik, beıtaraptyq pen satqyndyq jetistikke jetýdiń basty mindetterine aınalǵan. Onyń aldynda qundylyq, januıa jáne densaýlyq qurbandyqqa shalynady.

Qalǵandary sabyrlyqty esirtki zattarynan, alkogolden, ınternet-shyndyqtarynan, yzaǵa toly fılmderden, kompıýterlik oıyndardan, fast-fýdtan jáne gendi-modıfıkatsııalyq ónimderden izdeıdi. Bul ónimderdiń kez kelgeni adam densaýlyǵyna esirtkideı áser etip, adam aǵzasynyń kúıreýine boı aldyrýyna jáne únemi kúızelistikke ushyratady.

Batys adamynyń barlyq áreketteri tek óziniń jaǵdaıyn jasaýǵa ǵana baǵyttalǵan. Adam áleýmetten tys, shyǵarmashylyq jáne tıimdi eńbekke uıymdasa almaıtyndyǵy burynnan belgili bola tura, qoǵam aǵymnan tysqary qalýda.

Jalpyǵa birdeı teńdikke umtylý keri áserin tıgizýde, adamdar jeke tulǵaǵa tán qasıetterin joǵaltýda. Ata-analar ózderin áke nemese ana dep aıta almaıdy, jaı ǵana sandyq retpen belgilenedi», - dep atap ótti T.Syzdyqov.

Barlyq bul kórinister birden paıda bolmady. Munyń barlyǵy enjarlyqtan, nemquraıdylyqtan kelip týyndady. Aldymen turǵyndardyń sanasyna satýshylardyń ásireleýimen tutynýshylyq oılary dendep taratyldy. Marketologtardyń úndeýimen ómir súrgen adam oılaý jáne saraptaýdan múldem aryldy. Ol tek avtomatty túrde ádemi ómirdiń nyshany retinde belgilengen zattardy qoldanýmen shekteledi.

Rýhanı qundylyqtar mundaı júıede tysqary qalatyndyǵy túsinikti.

Tutynýshylyqtyń shyrqaý shegi retinde dástúrli januıalyq qundylyqtardan jáne qalypty qoǵamnyń sharttarynan sheginiske ákeledi, sebebi olardan materıaldyq paıda tabýǵa bolmaıdy.

Kezdesý sońynda prezıdenttikke kandıdat T.Syzdyqov jınalǵandardyń keıbir suraqtaryna jaýap berdi jáne óziniń saılaýaldy jumys josparymen bólisti.

Sondaı-aq kezdesý barysynda kandıdattyń saılaýaldy shtabynyń jetekshisi A.Qońyrov jınalǵan jurtty saılaýaldy shtabtyń jumysymen tanystyrdy.

«Bizdiń shtabtarymyz kandıdatty qoldaý boıynsha qajetti aqparattyq jáne úgit jumystaryn júrgizýde. Olar nasıhat materıaldaryn taratý jáne halyqpen kezdesýdi uıymdastyrý jumystaryn atqarýda».