SAILAÝ-2015: Kandıdat T. Syzdyqov Astana qalasyndaǵy «Turan» ýnıversıtetinde saılaýshylarmen kezdesti
ASTANA. QazAqparat - Qazaqstan Kommýnıstik Halyq partııasy usynǵan QR prezıdenttigine kandıdat Turǵyn Syzdyqov Astana qalasyndaǵy «Turan» ýnıversıtetinde saılaýshylarmen kezdesý ótkizdi.
Kezdesý barysynda QR prezıdenttigine kandıdat partııa jumysy men óziniń saılaýaldy tuǵyrnamasynyń negizgi baǵyttarymen tanystyrdy.
«Biz óz jumysymyzdy ádil qoǵam týraly marksıstik-lenındik túsinikterdi saqtaı otyryp qurýǵa jáne osy arqyly ádiletsiz tustaryn joıýǵa tyrysamyz», - dedi Turǵyn Syzdyqov.
«Bizder, kommýnıster úshin marksızm - qorshaǵan álemniń ózgerýimen birge únemi damyp otyratyn, qoǵamnyń damýyndaǵy qordalanǵan jáne jańa derekterdi oı eleginen ótkizetin shyǵarmashylyq ǵylym. Dıalektıkalyq materıalızm negizine qurylǵan marksızmniń kúshi men ómirsheńdigin tarıhı damýdyń árbir qadamy dáleldep otyr. QKHP qyzmeti ǵylymı sotsıalızm ıdeıalary, markstik-lenındik oqý men progressıvti qoǵamdyq oılar negizinde qalyptastyrylǵan», - dep jalǵastyrdy óz oıyn saılaýaldy shtab jetekshisi Aıqyn Qońyrov.
QR Prezıdenttigine kandıdat partııanyń batys mádenıetiniń teris yqpaly men onyń standarttaryna asa kóńil bóletindigin habarlady.
«Batys órkenıeti jalpyadamzattyq qundylyqtardyń quldyraýynan týyndaǵan mádenı daǵdyrysty keshirýde. Tehnıkalyq jetistik pen aqparattyq revolıýtsııalardyń nátıjesinde batys elderiniń turǵyndary ulttyq tutastyǵyn, negizgi dástúrli qundylyqtaryna degen senimderin joǵaltýda. Adamgershilik, qaıyrymdylyq, senim, birizdilikti joǵaltýdyń az-aq aldynda turǵan adamdar jeke basynyń ósýi men damýyna kóńil aýdarmaıdy. Sonymen qatar, olar buqaralyq tutynýshylarǵa arnalǵan medıa-ónimderdi avtomatty túrde qoldanatyn mehanıkalyq robottarǵa aınalady», - dedi T.Syzdyqov.
Kandıdattyń pikirinshe, «batys adamynyń barlyq áreketteri tek óziniń jaǵdaıyn jasaýǵa ǵana baǵyttalǵan. Adam áleýmetten tys, shyǵarmashylyq jáne tıimdi eńbekke uıymdasa almaıtyndyǵy burynnan belgili bola tura, qoǵam aǵymynan tysqary qalýda.
Batystyq adam kez kelgen ádispen aınalasynan erekshelenip, ózine nazar aýdartyp, baılyqqa kenelgisi keledi. Bul saıysta naǵyz ymyrasyz jáne dúnıeqońyz adamdar jeńiske jetedi.
Qalǵandary sabyrlyqty esirtki zattarynan, alkogolden, ınternet-shyndyqtarynan, yzaǵa toly fılmderden, kompıýterlik oıyndardan, fast-fýdtan jáne gendi-modıfıkatsııalyq ónimderden izdeıdi. Bul ónimderdiń kez kelgeni adam densaýlyǵyna esirtkideı áser etip, adam aǵzasynyń kúıreýine ákeledi», - dedi kandıdat.
Mundaı jaǵdaılardyń barlyǵy buryn adamzatqa belgisiz bolǵan túrli genetıkalyq jáne psıhıkalyq jańa aýrýlardyń kóbeıýine alyp keldi.
«Osylaısha, bizdiń saılaýaldy tuǵyrnamamyz batystyq jalǵan mádenı qundylyqtardan bas tartýǵa negizdelgen. Qazaqstan halqy bizdiń ustanymdarymyzdy qoldaıdy dep úmittenemiz!» - dedi Turǵyn Syzdyqov.
