SAILAÝ-2015: Kandıdat Á. Qusaıynovtyń aımaqtyq saılaýaldy shtabtary jetekshileriniń sleti ótti

Іs-sharaǵa Prezıdenttikke kandıdat Á.Qusaıynovtyń barlyq aımaqtyq saılaýaldy shtabtarynyń jetekshileri men qyzmetkerleri, senimdi ókilderi qatysty.

Sharany Qazaqstan Respýblıkasy Prezıdenttigine kandıdattyń respýblıkalyq saılaýaldy shtaby aımaqtarda júrgizilgen nasıhat jumystarynyń aldyn ala qorytyndysyn shyǵarý úshin uıymdastyrǵan bolatyn.

Slet barysynda Á.Qusaıynov shara qatysýshylaryna óńirlerde júrgizgen jumystary jaıly jáne jospary týraly baıandap berdi.

Ábilǵazy Qusaıynov belsendi úgit-nasıhat jumystaryn júrgizip, saılaýshylarmen joǵary deńgeıde kezdesýler uıymdastyrǵany úshin aımaqtyq saılaýaldy shtabtardyń jetekshileri men senimdi ókilderine alǵysyn bildirdi.

«Qazaqstan Respýblıkasyndaǵy saılaý týraly» QR Konstıtýtsııalyq zańynda bekitilgen ýaqyt aralyǵynda sizderdiń qoldaýyńyzben óz kandıdatýramnyń úlesine 132 myń daýys jınap, tirkeýden sátti óttim.

Osy ýaqyttan beri uıymdastyrýshylyq jumystar qyzý bastalyp, demalysqa da, merekege de qaramastan birde-bir ret báseńsigen emes.

Joldyń jartysynan kóp bóligin artqa tastadyq, endi «saǵattarymyzdy teńestirip», úgit-nasıhat naýqanynyń qalǵan ýaqytynda atqarar jumysymyzdy odan ári jetildirý úshin eskertýlerińiz ben usynystaryńyzdy tyńdasam deımin», - dedi Á.Qusaıynov.

Іs-shara barysynda respýblıkalyq jáne aımaqtyq saılaýaldy shtabtardyń jetekshileri baıandama jasady.

Osy oraıda respýblıkalyq shtab jetekshisi R.Jolaman QR Prezıdenttigine kandıdat Á.Qusaıynovtyń senimdi tulǵalarynyń belsendi jumysyna óz baǵasyn berdi.

«Eseptik kezeńde maqsaty bir adamdardyń berik komandasy qurylyp, sonyń kúshimen saılaý naýqanynyń birinshi aınalymynan - QR Prezıdenttigine kandıdatty tirkeý kezeńinen sátti óttik. Aımaqtarda saılaýaldy shtabtardy ashý máselelerin de Sizderdiń qoldaýyńyzben oryndy sheshe aldyq.

Nasıhat jumystaryna qajetti kórneki materıaldar joǵary deńgeıde ázirlenip, tıisti oryndarǵa ýaqtyly jetkizildi», - dep atap ótti R.Jolaman.

Sondaı-aq, R.Jolaman aımaqtardaǵy shtabtardyń jumys nátıjesin kórsetetin keıbir sandardy mysalǵa keltirip ótti.

R.Jolamannyń aıtýynsha, úgit-nasıhat naýqany kezinde respýblıka boıynsha kandıdattyń 36 bılbordy ornatylyp, 25 myń plakaty ilindi, 10 myń baǵdarlamasy taratyldy. Telearnalarda eki nasıhat rolıgi kórsetilip, 7 aımaqtaǵy saılaýshylarmen 18 kezdesý uıymdastyryldy, oǵan 540-tan asa adam qatysty. Sonymen qatar 214 adamnan quralǵan senimdi ókilder komandasy quryldy.

Sózin qorytyndylaı kele, R.Jolaman aldaǵy ýaqytqa josparlanǵan mindetterdi aıqyndap berdi.

Sonymen qatar slette kandıdattyń Aqmola, Soltústik Qazaqstan, Pavlodar, Qaraǵandy jáne Qostanaı oblystaryndaǵy saılaýaldy shtabtarynyń jetekshileri sóz aldy.

Aımaqtyq saılaýaldy shtab jetekshileriniń aıtýynsha, kandıdat aımaqtarda saılaýshylarmen, jumysshylar ujymymen birqatar kezdesýler ótkizip, óz saılaýaldy tuǵyrnamasyna qatysty suraqtaryna jaýap berdi.

«Soltústik Qazaqstan oblysynda kandıdat jumysshylar ujymymen úsh kezdesý ótkizip, onda ekologııa jáne ónerkásiptik qaýipsizdik taqyryptaryna qatysty biraz kúrdeli ári ózekti máseleler kóterdi. Atap aıtqanda, Á.Qusaıynov «SevKazEnergo» kásipornynyń, «Qyzyljar sý» kommýnaldyq mekemesiniń jumysshy ujymymen kezdesti. Kezdesýde saılaýshylar kandıdattyń saılaýaldy tuǵyrnamasynyń negizgi baǵyttarymen tanysty.

Sonymen qatar Ábilǵazy Qusaıynov aımaqtaǵy shtab jumysymen tanysyp, birqatar tapsyrmalar berdi», - dedi SQO-daǵy saılaýaldy shtabynyń jetekshisi Olga Klıshına.

«Qostanaı oblysynda kandıdat jergilikti jurtshylyqpen kezdesti. Kezdesýge kelgender Á.Qusaıynovqa saılaýaldy tuǵyrnamasyna qatysty suraqtar qoıyp, oǵan naqty ári tolymdy jaýap aldy. Oblysta jumys jalǵasyp jatyr», - dep atap ótti Qostanaı aımaqtyq shtabynyń jetekshisi Baýyrjan Tıbeev.

Qaraǵandy oblysyndaǵy aımaqtyq shtab jetekshisi Aqjolova Gúljan Muhametqyzy da Qazaqstan Respýblıkasy Prezıdenttigine kandıdat Á.Qusaıynovtyń senimdi ókilderiniń belsendi jumysyn erekshe atap ótti.

«Bizdiń óńirde kandıdatymyzdyń saılaýshylarmen jeke kezdesýi josparlanbaǵan, soǵan qaramastan senimdi ókilderi onyń saılaýaldy tuǵyrnamasyn túsindirý boıynda belsendi jumys júrgizip jatyr. Aımaqtyq shtab jumysynyń qarqyny da joǵary. Barlyq qajetti materıaldar qolymyzda bar. Jalpy, oblystyń barlyq aýdandaryndaǵy kandıdattyń senimdi ókilderi saılaýshylarmen jumysyn tıisti deńgeıde atqaryp jatyr», - dep atap ótti Gúljan Aqjolova.

Іs-shara barysynda aımaqtyq shtabtar óz ara tájirıbe almasyp, kezdesýge qatysýshylardyń saýaldaryna respýblıkalyq shtabtyń zańgerleri men esepshileri jaýap berdi.

Jalpy, shtabtar sletinde kandıdattyń aımaqtyq shtabtarynyń qyzmetkerleri men senimdi ókilderiniń belsendi jumysyna joǵary baǵa berildi.