SAILAÝ-2015: Kandıdat Á.Qusaıynov «Astana-Kógaldandyrý» AQ ujymymen kezdesti
ASTANA. QazAqparat - 29 naýryz kúni Qazaqstan Prezıdenttigine kandıdat Ábilǵazy Qusaıynov elordadaǵy «Astana-Kógaldandyrý» AQ kásipornyna bardy.
Kezdesý barysynda Ábilǵazy Qusaıynov birlestik jumyskerlerin óziniń saılaýaldy baǵdarlamasynyń negizgi baǵyttarymen tanystyryp ótti.
Á. Qusaıynovtyń aıtýynsha, HH ǵasyr men HHІ ǵasyrdyń basyndaǵy joǵary ekonomıkalyq ósim qorshaǵan ortanyń múmkindigine mán berilmeı júzege asyryldy. Sonyń saldarynan taza tabıǵat lastanyp, ekologııalyq problemalar týyndady.
Á. Qusaıynov jer resýrstarynyń tozýyn tabıǵatty tıimsiz paıdalaný saldarynan týyndaǵan qorshanyń ortanyń degradatsııasynyń mysaly retinde keltirip ketti. Topyraq degradatsııasy úderisiniń nátıjesinde jyl saıyn shamamen 7 mln ga qunarly jer aýyl sharýashylyǵyna paıdalanýdan qalyp otyrady. Bul úderistiń basty sebebi - ýrbanızatsııa, sý jáne jel erozııasy, sondaı-aq hımııalyq jáne fızıkalyq degradatsııa.
Osy jáne ózge de ekologııalyq máselelerdi der kezinde sheshý - adamzattyń basty mindeti, onyń odan ári tirshilik etýiniń jáne damýynyń kepili bolyp tabylady.
Á. Qusaıynov jumyskerler aldynda sóılegen sózinde qorshaǵan ortany qansha ózgertýge tyrysqanymyzben Jerdegi tirshilik tabıǵat zańdylyǵy boıynsha júrip otyrady dep atap ótti. Sondyqtan adamzat órkenıeti ornyqty damýy úshin osy zańdylyqtar men qaǵıdattar boıynsha júrýi qajet.
Tabıǵatpen úılesimde ómir súrý - Jer betinde Adamnyń ómir súrýiniń negizgi prıntsıpteriniń biri. Tipti ejelgi fılosoftardyń ózi tabıǵatty onyń zańdaryna baǵyna otyryp qana ıgerýge bolatynyn aıtqan bolatyn.
Á.Qusaıynovtyń aıtýynsha, Adamnyń Tabıǵatpen ózara is-qımylynyń óz erekshelikteri bar. Adam aqyl-oı ıesi jáne bul oǵan tabıǵattaǵy óz ornyn jáne Jer betindegi maqsatyn sezinýge múmkindik beredi.
Búginde adam tutastaı alǵanda ǵalamshardaǵy ekologııalyq damýdy basqarýdy óz moınyna alýǵa qabiletti.
Bizdiń birinshi kezektegi mindetimiz - tabıǵı resýrstardy únemdi jáne josparly qoldaný, qorshaǵan ortany lastanýdan qorǵaý, tabıǵı resýrstardy uqypty paıdalanýǵa, qorǵaýǵa jáne qalpyna keltirýge baǵyttalǵan halyqaralyq jáne qoǵamdyq sharalardy, memlekettik baqylaýdyń josparly júıesin engizý, bolashaq urpaqtardyń materıaldyq jáne mádenı muqtajdaryn qanaǵattandyrý bolýy tıis.
Á.Qusaıynov ekologııalyq-aǵartýshylyq qyzmet máselesin mańyzdy shara dep sanaıdy.
«Biz balalardyń boıyna jas shaǵynan bastap ekologııa týraly qarapaıym bilimderdi, qaýipsiz jáne ekologııalyq ómir súrý prıntsıpterin, tabıǵatty jáne bizdiń aınalamyzdaǵy bolmysty saqtap aıalaı bilý qajettigi týraly bilimderdi sińirýge tıispiz», - dep atap ótti Á.Qusaıynov.
Sondaı-aq «Astana-Kógaldandyrý» qyzmetkerlerimen kezdesýde Á.Qusaıynovtyń respýblıkalyq saılaýaldy shtabynyń jetekshisi Rústem Jolaman sóz sóıledi.
R.Jolaman respýblıkalyq shtab qyzmetin uıymdastyrý jaıyn áńgimelep berdi, taıaýdaǵy kezeńdegi jumys josparlaryn baıandady.
«QR Prezıdenttigine kandıdat Á.Qusaıynov adam ómirindegi mańyzdy máselege - ǵalamshardaǵy ekologııany jáne bıologııalyq áralýandyqty saqtaý máselelerine jurtshylyqtyń nazaryn aýdarýǵa nıetti».
