SAILAÝ-2015: Astanalyqtar saılaý ýchaskesin SMS-servıs arqyly anyqtaı alady
ASTANA. QazAqparat - Qala turǵyndaryna yńǵaıly bolýy úshin, elorda ákimdigi men Qazaqstan Respýblıkasy Investıtsııalar jáne damý mınıstrliginiń Baılanys, aqparattandyrý jáne aqparat komıteti «Saılaý ýchaskesi týraly aqparat izdeý» ınteraktıvti SMS-qyzmetin iske qosty. Bul týraly elordanyń resmı saıtynda habarlady.
Bul qyzmet azamattarǵa saılaý ýchaskesiniń nomeri, mekenjaıy, telefon jáne ǵımarattyń ornalasqan jeri kórsetilgen saılaý ýchaskesi týraly aqparat alýǵa múmkindik beredi.
Qyzmetti paıdalaný úshin 414 nomerine [kod sózi] bos oryn [azamattyń JSN] jazylǵan SMS-habarlama jiberý kerek.
Mátindik habarlama myna nusqada bola alady:
Memlekettik tilde aqparat alý úshin «Saılaý JSN» nemese «Saylau JSN» sózin terý kerek (mysaly, Saılaý 123456789012);;
Orys tilinde aqparat alý úshin «Vybory JSN» nemese «Vibory JSN» terý kerek (mysaly, Vybory 123456789012).
Habarlamamda aıtylǵandaı, qyzmetti alǵan jaǵdaıda paıdalanýshy SMS-habarlamanyń qunyn ǵana tóleıdi, ol 7 teńgeni quraıdy jáne abonenttiń telefon birlikteriniń esebinen alynady.
