SAILAÝ-2015: Astanada QR Prezıdenttigine kandıdat Ábilǵazy Qusaıynovtyń saılaýaldy shtaby ashyldy

Á.Qusaıynov respýblıkalyq saılaýaldy shtabynyń jetekshisi Rústem Jolamandy tanystyrdy, ol óz kezeginde shtabtyń taıaýdaǵy kezeńdegi jumys jospary týraly baıandady.

«QR Prezıdenttigine kandıdat Á.Q. Qusaıynovtyń shtaby jumysyn bastady. Bizdiń aldymyzda óte kóp jumystar tur, Prezıdenttikke kandıdattan kóptegen tapsyrmalar aldyq.

Biz buqaralyq aqparat quraldary arqyly, baspa jáne elektrondy BAQ arqyly úgit naýqanyn óristetetin bolamyz, ártúrli salalarda saılaýshylarmen kezdesýimiz qajet.

Biz qazir halyq sengen ókildermen úlken jumys ázirlep jatyrmyz, olar bizdiń kandıdattyń tuǵyrnamasyn árbir saılaýshyǵa jetkizip, barynsha kóp adamdy qamtýy qajet», - dep atap ótti R.Jolaman.

Aǵymdaǵy jyldyń 26 naýryzynan 24 sáýirge deıingi úgit jumystary kezeńinde respýblıkalyq jáne óńirlik shtabtar birqatar uıymdastyrý sharalaryn júrgizýdi, sonyń ishinde aımaqtardaǵy saılaýshylarmen kezdesýdi, halyq sengen ókildermen kezdesýler, buqaralyq aqparat quraldarynda saılaýaldy úgit jumysyn júrgizý josparlanýda.

R.Jolamannyń atap ótýinshe, shtab úgit jumystaryn josparlady, kóptegen kezdesýler ótkiziledi. Atap aıtqanda, birqatar kásiporyndardyń eńbek ujymdarymen, sharýa qojalyqtary jáne fermerlik sharýashylyqtardyń qyzmetkerlerimen kezdesýler belgilenip otyr. Qazaqstannyń barlyq óńirlerinde saılaýaldy shtbatar quryldy, halyq sengen ókilder tirkeldi. Árbir aýdanda el zańnamasynda kózdelgen úgit sharalarynyń búkil keshenin ótkizý qarastyrylýda.

Shtabtyń ashylýy kezinde Á.Qusaıynov saılaýaldy baǵdarlamadaǵy kóterilgen máselelerdiń ózektiligin jáne osy kelei problemalarǵa qoǵamnyń nazaryn aýdarý qajettigin atap ótti.

Atap aıtqanda ekologııany saqtaý máseleleri.

Qazaqstan Respýblıkasynyń Prezıdenttigine kandıdat Á.Qusaıynovtyń turǵyrnamasynyń basty maqsaty adamdy damytý turǵysynan ekologııalyq qaýipsiz damýǵa kóshý mindettterin qarastyrady, mundaı ekologııalyq aspektilerge kóshýde ónerkásip qaýipsizdigi máselelerin de eskerý qajet.

Á.Qusaıynovtyń pikirinshe, ekologııalyq saıasatty jańartý jáne ekologııalyq damýǵa josparly túrde kóshýde azamattyq qoǵamnyń róline erekshe kóńil bólý qajet.

Sondaı-aq Á.Qusaıynovtyń saılaýaldy baǵdarlamasynda ónerkásiptik qaýipsizdik prıntsıpterin buljytpaı saqtaý jáne tehnıkalyq reglamentterdi saqtaý máselelerine erekshe kóńil bóledi.

Ósimniń kózi ekonomıkany ekologııalyq taza, qaldyǵy az tehnologııalarǵa aınaldyrý, qorshaǵan ortaǵa uqyptylyqpen qaraý jáne bizdiń básekege qabilettiligimizdi arttyrý dárejesin qamtamasyz etýge múmkindik beretin bolýy tıis, bul qoǵamnyń ómir sapasyn jáne ál-aýqatyn arttyratyn jol bolmaq.

Ekologııalyq tepe-teńdik pen ónerkásip qaýipsizdigin saqtaý ıdeıasyn taratýda buqaralyq qoǵamdyq uıymdar jáne kásibı ınstıtýttar erekshe ról atqarýy tıis.

Mundaı ınstıtýttardy ortalyqta da, aımaqtarda da damytý ekologııalyq damýdy qamtamasyz etý úshin ekonomıkany jańartýdyń jiti mindetterin júzege asyrýǵa jáne sarapshylyq qoǵamdastyq pen azamattyq qoǵamnyń kúsh-jigerin shoǵyrlandyrýǵa járdemdesetin bolady.

Á.Qusaıynovtyń saılaý aldyndaǵy bvaǵdarlamasynda ónerkásip qaýipsizdigi máselelerine da eleýli oryn berilgen.,

Á.Qusaıynov ónimder men úderisterdiń qaýipsizdigin qamtamasyz etý múddesinde kásiporyndar qyzmetine júıeli qoǵamdyq baqylaýdy jaqtaıdy.

Ábilǵazy Qusaıynov Qazaqstan Respýblıkasy Prezıdenttigine óziniń kandıdatýrasyn 2015 jylǵy 12 naýryzda usynǵan bolatyn.

OSK belgilegen barlyq rásimderden oıdaǵydaı ótip, ol 2015 jylǵy 18 naýryzda úshinshi bolyp Qazaqstan Respýblıkasy Prezıdenttigine kandıdat bolyp tirkeldi.

Kandıdat Á.Qusaıynovty qoldap, 132 myń 152 saılaýshynyń shynaıy qoldary jınaldy.