SAILAÝ-2015: Astanada QR Prezıdentigine kandıdat N.Nazarbaevty jaqtaýshylardyń forýmy ótti
ASTANA. QazAqparat - Búgin elordalyq «Qazaqstan» sport kesheninde Qazaqstan Respýblıkasynyń Prezıdenttigine kandıdat Nursultan Ábishuly Nazarbaevty qoldaǵan forým ótti. Shara saılaý naýqanynyń úgit kezeńin aıaqtady.
Forým qatysýshylary - Respýblıkalyq qoǵamdyq shtabtyń, Astana qalalyq qoǵamdyq shtabynyń músheleri, Qazaqstan Respýblıkasy Prezıdenttigine kandıdattyń saıası partııalar, úkimettik emes uıymdar, ǵylymı jáne shyǵarmashylyq ınttellıgentsııa ókilderi arasynan senimdi ókilderi, Qazaqstan Respýblıkasy Parlamenti men Astana qalasy máslıhatynyń depýtattary, jastar belsendileri, sportshylar, bıznes ókilderi, Almaty, Qostanaı, Jambyl jáne Qaraǵandy oblystarynan kandıdattyń senimdi ókilderi.
Atap aıtqanda, Rýdnyı qalasynan «SSKÓB» zaýytynyń jumysshysy Rýslan Ismuhambetov forýmda Qazaqstannyń barlyq eńbekkerleri jáne ásirese metallýrgter Nursultan Nazarbaevqa daýys beredi, dep málimdedi.
«Kenshiler tańdaýy - temirdeı. Biz Elbasymen birge quryshtaı shynyqqanbyz, bizdiń qanymyzda ystyq bolattyń qyzýy bar. 2015 jylǵy 26 sáýirde 20 myń kenshi barlyǵy da bir kisideı saılaý ýchaskelerine kelip, Ult Kóshbasshysy bizdiń Elbasy Nursultan Ábishuly Nazarbaev úshin daýys beredi», dep atap kórsetti R.Ismuhambetov.
Qazaqstannyń etnomádenı birlestikteri atynan QHA múshesi Tarazdan Fedor Klımenko sóz sóıledi.
«Sonaý 1995 jyly Almatyda Qazaqstan halqy Assambleıasynyń birinshi sessııasy boldy, sol kezde Prezıdentimizge jurttyń bári birdeı sengen joq. Elde nan bolmady, eńbekaqy, zeınetaqy joq, al Nazarbaev qaıdaǵy bir Assambleıa degendi quryp jatyr, dedi, biraq ta jyldar ótti jáne keshe sessııada búkil álem bul Qazaqstannyń naǵyz erligi ekenin kórip bildi. Sondyqtan da kúmán joq, biz kelisim úshin, Nazarbaev úshin daýys beremiz», - dep atap ótti F.Klımenko.
Shyǵarmashyl jastar atynan «Astana Opera» ánshisi Saltanat Ahmetova sóz sóıledi.
«Bizdiń árqaısymyz bolashaqta Qazaqstan qandaı bolatynyna jáne bizdiń balalarymyz Qazaqstandy qalaı kóretinine jaýaptymyz. Kúshti Qazaqstanǵa kúshti kóshbasshy kerek. Naq sondyqtan da 26 sáýir kúni biz bir kisideı daýys beremiz jáne júrek jylýyn Nazarbaevqa beremiz», - dep málim etti S.Ahmetova.
Forýmǵa eki dúrkin Olımpıada chempıony Ilıa Ilın de qatysty. Ol Nursultan Nazarbaev Qazaqstandy chempıondar eline aınaldyrǵanyn atap kórsetti.
«Elbasynyń arqasynda biz 13 olımpıadalyq medaldi jeńip aldyq, London olımpıadasynda 12-shi orynǵa taban tiredik. Bul ońaıǵa túsken joq. Men de chempıonmyn jáne chempıon úshin, Nursultan Nazarbaev úshin daýys beremin», - dep atap ótti I.Ilın.
Nursultan Nazarbaevty qoldaý forýmy búgin elimizdiń barlyq aımaqtarynda ótti. Olardyń bári de biraýyzdan bizdiń respýblıkamyzǵa kúshti kóshbasshy - Nursultan Ábishuly Nazarbaev kerek ekendigin málimdedi.
