SAILAÝ-2015: Á.Qusaıynov EQYU/DIAQB mıssııasynyń basshysy Kornelııa Ionkermen kezdesti

Kezdesý barysynda Ábilǵazy Qusaıynov EQYU ókilderin respýblıkalyq shtabtyń jumysymen tanystyryp, Qazaqstan Respýblıkasy Prezıdenttigine kandıdat retindegi bolashaq jospary jaıynda áńgimelep berdi.

«Búginge deıin 5 aımaqty aralap, Astana qalasynda birneshe kezdesý ótkizip úlgerdik. Jalpy alǵanda, saılaýshylarmen 12 kezdesý ótkizip, onda saılaýaldy baǵdarlamammen tanystyrdym, saılaýshylardy qyzyqtyrǵan suraqtarǵa jaýap berdim», - dedi Á.Qusaıynov.

Sonymen qatar Á.Qusaıynov aımaqtyq saılaýaldy shtabtarynda 200-den asa senimdi tulǵasy jumys istep, olar da saılaýshylarmen kezdesý ótkizip, sondaı-aq óziniń saılaýaldy tuǵyrnamasynyń negizgi baǵyttaryn túsindirýmen aınalysatynyn atap ótti. Sondaı-aq ol osy jyldyń 20 sáýirine josparlanǵan Astanada ótetin aımaqtyq saılaýaldy shtabtarynyń sleti týraly aıtyp, EQYU ókilderin atalmysh is-sharaǵa qatysýǵa shaqyrdy. Aımaqtyq shtabtardyń sletinde úgit-nasıhat jumystarynyń aldynala qorytyndysyn shyǵaryp, aımaqtyq shtab jetekshileriniń atqarylǵan jumystar jaıly esepterin tyńdaý josparlanǵan.

Á.Qusaıynov EQYU ókilderiniń nazaryn Qazaqstan Respýblıkasy Prezıdenttigine kandıdat retindegi jumysyn eshqandaı kedergisiz júrgizip jatqanyna aýdartyp, aımaqtardaǵy barlyq kezdesýleri zańǵa sáıkes uıymdastyrylǵanyn atap ótti. Sonymen qatar barlyq qajetti keńesterdi shuǵyl usynyp otyrǵan aýmaqtyq saılaý komıssııasy músheleriniń ashyqtyǵy men biliktiligin eskerdi.

QR Prezıdenttigine kandıdat sondaı-aq BAQ-pen tyǵyz qarym-qatynas ornatyp, jemisti jumys jastap jatqandaryn nazarǵa aldy.

«Barlyq respýblıkalyq telearnalar is-sharalardy aqparattyq súıemeldeý úshin óz alańdaryn usynyp otyr. Úgit-nasıhat rolıkteri medıa-josparymyzǵa sáıkes efırge shyǵyp jatyr. Jalpyulttyq gazetterde meniń saılaýaldy baǵdarlamam jarııalanyp, úgit-nasıhat modýlderimiz ornalastyryldy. Jalpy, respýblıkalyq deńgeıde bolsyn, aımaqtyq deńgeıde bolsyn, biz júrgizgen saılaýaldy naýqanyn aqparattyq súıemeldeý barysyna kóńilim tolady», - dedi Á.Qusaıynov.

Á.Qusaıynov atap ótkendeı, saılaý naýqany Qazaqstan Respýblıkasynyń «Saılaý týraly» zańyna tolyq sáıkestikte ótip jatyr.

Odan bólek, EQYU ókilderimen kezdesý kezinde QR Prezıdenttigine kandıdat Á.Qusaıynovtyń respýblıkalyq saılaýaldy shtabynyń jetekshisi Rústem Jolaman saılaý naýqany aıasynda uıymdastyrylatyn is-sharalar jaıynda áńgimelep berdi.

Atap aıtqanda, ol QR Prezıdenttigine kandıdat Á.Qusaıynovtyń elordadaǵy jáne aımaqtardaǵy shtabtary yńǵaıly jerde ornalasqanyna toqtaldy. Onyń aıtýynsha, shtabtarǵa konsýltatsııalyq qoldaýdy Ortalyq saılaý komıssııasy, oblystardaǵy aýmaqtyq saılaý komıssııalary kórsetip otyr.

Úgit naýqany qarsańynda qajetti kólemde úgit-nasıhat materıaldary ázirlendi. Mysalǵa, Astana men Almaty qalalarynda árqaısysynda 4 bılbordtan, oblys ortalyqtarynda 2 bılbordtan, sonymen qatar Jezqazǵan men Semeı qalalarynda bir-bir bılbordtan ilindi.

Plakattar ázirlenip, kandıdattyń saılaýaldy baǵdarlamasy (50 myń plakat pen saılaýaldy baǵdarlamasynyń 3 myń danasy) basyp shyǵaryldy.

Jalpy, R.Jolaman atap ótkendeı, saılaýaldy naýqanyn tolyqqandy júrgizý úshin barlyq jaǵdaı jasalǵan.