SAILAÝ-2015: Á. Qusaıynov Almatyda «OBIS» Kompanııa» JShS jumysshylarymen kezdesý ótkizdi

Alǵashqy kezdesý «OBIS» Kompanııa» JShS-synda ótti.

Á.Qusaıynov ekologııalyq jáne ónerkásiptik qaýipsizdik máselesin kóterdi.

«Búginde ǵalamshardyń ozon qabatynyń buzylýy, álemdik muhıttardaǵy sýdyń lastanýy, jerdiń lastanýy, topyraqtyń qunarsyzdanýy, bıologııalyq áralýandylyqtyń azaıýy jáne t.b. máseleler ózekti bolyp tabylady.

Qazirgi ýaqytta ekologııa bıologııanyń sheńberinen shyǵyp, adamzattyń qorshaǵan ortamen qarym-qatynasyn zertteıtin pánaralyq ǵylymǵa aınaldy.

Ekologııa «adam - tabıǵat» problemasyn zertteýde kúrdeli ári uzaq joldan ótti.

Adam men Tabıǵat arasyndaǵy qarym-qatynastyń ózindik ereksheligi bar. Adamǵa sana berildi, sol arqyly ol tabıǵatta alatyn ornyn aıqyndap, Jer júzinde óz jaratylysynyń mánin túsinýge múmkindik aldy.

Qazirde ekologııany «adamzattyń jeke úıi» - bıosfera týraly, onyń erekshelikteri, adammen qarym-qatynasy jáne baılanysy, al adamnyń jalpy qoǵammen baılanysy týraly ǵylym dep te atap júr.

Bıologııa sheńberindegi pánnen ekologııa keshendi pánaralyq ǵylymǵa - aıqyn dúnıetanymdyq mazmuny bar zamanaýı ekologııaǵa aınaldy.

Búgingi kúni ekologııa tiri aǵzalardyń qorshaǵan ortamen baılanysy týraly bıologııalyq ǵylym degen bastapqy túsiniginen alshaq birneshe ǵylymı salalarǵa jáne pánderge bólinedi.

Qazirgi zamanǵy ekologııa tek bıologııanyń ǵana emes, jalpy jaratylystaný ǵylymdarynyń sheńberinen daralanyp shyqty. Zamanaýı ekologııanyń ıdeıalary men prıntsıpteri dúnıetanymdyq mazmunǵa ıe, sonyń negizinde ekologııa adamzat jáne mádenıet týraly ǵylymdarmen ǵana emes, sondaı-aq fılosofııamen de tyǵyz baılanysta. Júz jyldan astam tarıhy bar ǵylymnyń osynshalyqty ózgeriske ushyraýyna qarap, zamanaýı ekologııa serpindi damýshy ǵylym degen qorytyndy jasaýǵa bolady», - dedi Á.Qusaıynov.

Jalpy alǵanda, Á.Qusaıynov pen jumysshylar arasyndaǵy kezdesý mazmundy ári qyzyqty ótti.