Saılaý: 10 qoǵamdyq birlestik respýblıkanyń barlyq aýmaǵynda baıqaý júrgizedi
«Jarǵylarynda saılaýdy baıqaý jónindegi qyzmet kórsetilgen qoǵamdyq birlestikter men kommertsııalyq emes uıymdar akkredıtteýge jatady. Saıası partııalardan baıqaýdy júzege asyrý úshin akkredıtteý talap etilmeıdi. Ortalyq saılaý komıssııasynan bastap jergilikti jáne aýmaqtyq saılaý komıssııalary qujattardy qabyldaýda. Akkredıtteý tártibine sáıkes, respýblıkalyq qoǵamdyq birlesikter men kommertsııalyq emes uıymdar Ortalyq saılaý komıssııasyna akkredıttele alady. Tıisinshe, aýmaqtyq jáne jergilikti qoǵamdyq birlestikter men kommertsııalyq emes uıymdardy akkredıtteýdi aýmaqtyq saılaý komıssııalary júzege asyrady», - dedi komıssııa múshesi.
Anastasııa Şegortsova protsedýralar múmkindiginshe jeńildetilgenin aıtady. Akkredıtatsııa alý úshin tek 2 qujat qajet.
«Respýblıkalyq qoǵamdyq birlestikter men kommertsııalyq uıymdarǵa respýblıkanyń barlyq aýmaǵynda barlyq saılaýǵa qatysý quqyǵy beriledi. Óńirlik jáne qoǵamdyq birlestikter men kommertsııalyq uıymdarǵa olardyń qurylymdyq bólimsheleri bar oblystar sheginde barlyq saılaýǵa qatysý quqyǵy beriledi. Tıisinshe, jergilikti qoǵamdyq birlestikter men kommertsııalyq emes uıymdar bir oblys ishinde 1 jyl ishinde barlyq saılaýǵa qatysý quqyǵyn alady», - dedi ol.
Onyń atap ótýinshe, akkredıttelgen uıymdar daýys berý kúni óz bvıqaýshylaryn saılaý ýchaskelerine jiberedi. Ol úshin olar baıqaýshynyń tegin, atyn, ákesiniń atyn kórsete otyryp, onyń ókilettigin jazbasha nysanda kýálandyryp, mórmen rastaýy kerek.
«OSK respýblıka boıynsha akkredıttelgen qoǵamdyq birlestikterdiń, kommertsııalyq emes uıymdardyń tizilimin júrgizedi. Aýmaqtyq saılaý komıssııalary tizilimge engizý úshin óńirlik jáne jergilikti uıymdardy tirkeý týraly derekterdi OSK-ge jiberedi», - dedi OSK múshesi.
Onyń atap ótýinshe, qazirgi ýaqytta OSK 10 respýblıkalyq qoǵamdyq birlestikti akkredıttedi.
«Olar: «HAQ», «Erkindik qanaty», «El daýysy», «Azamattyq qorǵaý», «Electios&Democracy», «Daýys» qoǵamdyq baıqaýshylar koalıtsııasy», «Uly kósh», «Muqalmas», «Jastar úni» jáne Qazaqstannyń jastar aqparattyq qyzmeti qoǵamdyq qory. Olar eldiń barlyq 20 aımaǵynda baıqaýdy júzege asyra alady. Aımaqtyq saılaý komıssııalary 201 uıymǵa akkredıtteý týraly kýálik berdi. Olar akkredıttelgen jáne fılıaldary bar oblystar sheginde barlyq saılaýda baıqaýdy júzege asyratyn bolady», - dedi Anastasııa Şegortsova.
