Saılanǵan ákimderdiń 60%-y buryn memqyzmette bolmaǵan – Bozymbaev «Ákimder mektebi» jaıly

ASTANA. KAZINFORM – Elimizde saılanǵan aýdan, aýyldyq okrýg ákimderiniń 60%-y buryn memlekettik qyzmette jumys istemegen. Sondyqtan aýyl ákimderin qaıta daıarlaý baǵdarlamasynyń iske qosylýy oryndy. Bul týraly QR Premer-mınıstriniń orynbasary Qanat Bozymbaev aıtty.

— Bárimizge málim, 2021 jyldan bastap engizilgen aýyl ákimderin saılaý — elimizdiń mańyzdy reformalarynyń biri. Bul qadam azamattardyń jergilikti basqarýǵa belsendi qatysýyn qamtamasyz etip, ákimderdiń jaýapkershiligin arttyrdy. Sodan beri 2,5 myńnan astam aýyl ákimi saılandy. Saılanǵan ákimderdiń 60%-y buryn ákim bolyp nemese memlekettik qyzmette jumys istemegen. Olardyń arasynda ártúrli kásip ıeleri, túrli partııa ókilderi bar. Bir sózben aıtsaq, ákimder korpýsy edáýir jańardy. Osyǵan oraı, búgingi kúni aýyl ákimderin qaıta daıarlaý baǵdarlamasynyń iske qosylýy oryndy jáne der kezinde qabyldanǵan sheshim dep sanaımyn, - dedi ol Memlekettik qyzmet isteri agenttiginde baǵdarlamanyń ashylýyna oraı ótken baspasóz máslıhatynda.

Eske salsaq, elimizde aýyldyq okrýgterdiń 95%-da ákim saılandy. 2021 jylǵy shildeden 2024 jylǵy jeltoqsanǵa deıingi kezeńde 2176 aýyldyq okrýgte 2 566 ákim saılandy. 

Búgin elimizde saılanǵan aýyl jáne aýdan basshylaryn oqytý bastaldy.

Memleket basshysy buǵan deıin «Ákimder mektebi» jobasyn iske qosýdy tapsyrǵan edi. 

Sondaı-aq «Ákimder mektebi» jobasy 2 400-den astam aýdandyq jáne aýyldyq okrýg ákimderin qamtıtynyn jazǵan edik.