Sáıkestik sertıfıkatyn ońdy-soldy taratyp kelgen 22 ınternet-resýrs buǵattaldy
Tehnıkalyq retteý jáne metrologııa komıteti Qazaqstannyń sáıkestikti baǵalaý naryǵynda ınternet-resýrstarda sáıkestik sertıfıkaty men sáıkestik týraly deklaratsııalardy jedel alý boıynsha qyzmet kórsetetin konsaltıngtik kompanııalar jumys isteıtinin anyqtady.
Aıta ketsek, «sáıkestikti baǵalaý salasyndaǵy akkredıtteý týraly» zańǵa sáıkes sertıfıkattaý jáne synaq jumystaryn tek akkredıttelgen rastaý organdary men synaq zerthanalary júrgizedi.
Sonymen qatar jarnama týraly zańǵa sáıkes, sáıkestikti baǵalaý salasyndaǵy akkredıtteý týraly zańnamada belgilengen tártippen akkredıttelmegen uıymdarǵa ónimniń sáıkestigin rastaý salasyndaǵy sáıkestikti, deldaldyq jáne mindetti rastaý qyzmetterin jarnamalaýǵa tyıym salynady.
«Konsaltıng kompanııalarynyń bul ınternet-resýrstary keı jaǵdaılarda naqty synaqsyz sáıkestikti rastaý qujattaryn jedel alýǵa kómektesedi. Sonymen qatar bul kompanııalar Qyrǵyzstanda qujattardyń eń az paketimen jáne qysqa merzimde sáıkestikti rastaıtyn qujat alýdy usynady. Osyǵan baılanysty AQDM-nen óz quzyreti sheginde atalǵan saıttarǵa shara qabyldaýdy suradyq», - dedi tehnıkalyq retteý jáne metrologııa komıtetiniń tóraǵasy Qýanysh Elikbaev.
Óz kezeginde Aqparat mınıstrligi ınternet-resýrstarǵa monıtorıng júrgizdi.
Monıtorıng nátıjesinde QR «Buqaralyq aqparat quraldary týraly», «Jarnama týraly» zańdaryn jáne Ákimshilik quqyq buzý kodeksin buzý faktileri anyqtaldy.
Joǵaryda aıtylǵandardyń negizinde AQDM Qazaqstan aýmaǵynda 22 ınternet-resýrsty shektedi.
Sondaı-aq, onlaın-jarnama platformalarynan zańsyz materıaldardy joıý maqsatynda resýrs ıelerine usynys hat joldandy.
