Saıajaıda bolǵan órt eki adamnyń ómirin qıyp ketti
ASTANA. 3 jeltoqsan. QazAqparat - Almatydaǵy Keńsaı-2 shaǵynaýdanyndaǵy saıajaıda turǵyn úıdiń 40 sharshy metr aýmaǵy otqa orandy, dep habarlaıdy QR TJM.
Órt 6,5 saǵattan keıin tolyq sóndirildi. Ony aýyzdyqtaýǵa qalalyq TJD jeke quramynyń 7 adamy men 2 tehnıkasy tartyldy. Órt bolǵan jerden 46 jastaǵy áıel men tulǵasy anyqtalmaǵan er adamnyń máıiti tabyldy.
Sondaı-aq osy kúni Rýdnyı qalasynda keshqurym 5 qabatty turǵyn úıdiń ekinshi qabatynda órt boldy. Jalyn jarty saǵattan keıin sóndirildi. Tilsiz jaýdy aýyzdyqtaýǵa Qostanaı oblystyq TJD jeke quramynyń 8 adamy men 2 tehnıkasy jumyldyryldy. Órt ornynan 79 jastaǵy áıeldiń múrdesi tabyldy.
