Saıajaıda bolǵan qaraqshylyq ashyldy
ORAL. Tamyzdyń 2-si. QazAqparat - Taıaýda belgisiz tórt adam Oral qalasy aýmaǵynda ornalasqan «Vagonnık» dep atalatyn saıajaı qoǵamyndaǵy úılerdiń birine basa kóktep kirip kelip, qojaıyndy uryp-soqqanymen qoımaı, baǵaly zattardy da alyp ketken, dep habarlaıdy Oral qalalyq ІІB baspasóz qyzmetinen Gúlshat Moldaǵalıeva.
Belgisiz tórt adam túski mezgilinde Oral qalasy mańynda ornalasqan «Vagonnık» dep atalatyn saıajaıdaǵy úılerdiń birine qaraqshylyq shabýyl jasaǵan. Olardyń basty maqsaty - baǵaly zattardy tonaý bolǵan. Tal túste úıdiń esigin syndyryp kirgen tórteýdiń bireýi úı qojaıynyna tarpa bas salyp, qolyndaǵy baltamen basynan urǵylaıdy. Bul tórteýine áli kelmesin bilgen úı ıesi basyn buǵyp otyra qalyp, qolyndaǵy uıaly telefonmen polıtsııaǵa habarlaspaqshy bolady. Polıtsııaǵa habarlasyp qoıaryn sezgen qaraqshylardyń biri qolynan telefonyn julyp alyp, taǵy da tepkiniń astyna alady. Keıin denesi qanǵa boıalǵan qojaıynnyń esh sharasy qalmaǵanyn, qaıta qarsylasa almaıtyndaı etip urǵylaǵannan keıin telefondy salyp alyp, oqıǵa bolǵan jerden boı tasalaıdy. Sondaǵy alǵandary uıaly telefon ǵana. Qojaıyn qýmaqshy bolyp, terezeden sekirgende aıaǵyn da syndyryp alady. Biraq, jábirlenýshi oqıǵanyń izin sýytpas úshin der kezinde polıtsııaǵa habarlasqan. Kóp ýaqyt ozbaı 102 qyzmetine habar kelip túskennen keıin jedel top qurylyp, polıtseıler oqıǵa orny men qalanyń basqa da jerlerine izdestirýge kirisip ketedi.
Polıtsııa qyzmetkerleriniń qyraǵylyǵynyń arqasynda qaraqshylyq shabýyl jasaǵan top dereý qolǵa tústi. Olardyń ekeýi buryn da qylmys jasaǵany úshin izdestirýde júrgen qylmyskerler bolsa, biri jasy kámeletke tolmaǵan jasóspirim ekendigi anyqtalyp otyr.
