Saıası reforma úshinshi jańǵyrtý maqsattaryna qol jetkizýge yqpal etedi - senator
«Parlament pen Úkimet quzyryn keńeıtý Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda aıtylǵan ekonomıkanyń úshinshi jańǵyrýy maqsattaryn sátti oryndaýǵa jol ashady», - dep esepteıdi Rashıt Ahmetov.
Onyń pikirinshe, konstıtýtsııalyq reforma aıasynda usynylyp otyrǵan ózgerister sózsiz, Úkimettiń ekonomıkany basqarýdaǵy jaýapkershiligin arttyrady, osylaısha mindetterdiń sapaly oryndalýyna múmkindik bermek.
«Al zań shyǵarýshy organ retindegi Parlament róliniń artýy shyǵarǵan sheshimderdi atqarýshy organ tarapynan oryndalýyn qadaǵalaýǵa jáne xalyq kókeıindegi alańdatyp otyrǵan máselelerdi der kezinde nazarǵa alýǵa septigin tıgizedi», - dedi Senat depýtaty.
Rashıt Ahmetovtiń aıtýynsha, Senattyń Qarjy jáne bıýdjet komıtetinde elimizdiń Ata zańyna engizilgeli jatqan usynystar men ózgerrtýler qyzý talqylaýǵa salynǵan. Talqylaý barysynda Komıtet músheleri konstıtýtsııalyq reformalardy, sonymen qatar Parlament palatalarynyń birlesken otyrysynda depýtattar usynǵan usynystardy qoldady.
