Saıası partııalardy qurý tártibi jeńildeıdi - Ádilet mınıstri
«Saıası partııalar týraly» Zańyna ózgeris pen tolyqtyrýlar engizý týraly» zań jobasy Prezıdenttiń Ulttyq qoǵamdyq senim keńesiniń ekinshi otyrysynda bergen tapsyrmasyn iske asyrý maqsatynda ázirlendi. Zań jobasymen saıası partııalardy qurý úshin tirkeý talabyn 40 myńnan 20 myń adamǵa deıin tómendetý usynylady.
Bul usynys saıası partııalardy qurý tártibin jeńildetedi, sondaı-aq memlekettik sheshimderdi ázirleý jáne qabyldaý protsesterine oń áserin tıgizedi», - dedi Ádilet mınıstri Marat Beketaev.
Buǵan qosa, zań jobasymen partııalyq saılaý tizimderinde áıelder men jastar úshin keminde otyz paıyz mólsherinde kvota engizý týraly túzetý bar. Bul Májiliste qaralǵan qaralǵan saılaý týraly Konstıtýtsııalyq zań jobasynyń erejelerin iske asyrýǵa baǵyttalǵan.
«Usynylyp otyrǵan zań jobalar ár túrli alańdarda maqsatty toptarmen qaraldy. Atap aıtqanda, zań jobalar Ulttyq qoǵamdyq senim keńesiniń jekelegen múshelerimen, jastarmen jáne saıası partııalardyń ókilderimen keńinen talqylandy. Jalpy, osy zańnamalyq bastamalar áıelder men jastardy qoǵamnyń saıası ómirine belsene qatysýǵa, sondaı-aq kóppartııalyq júıeni odan ári qalyptastyrýǵa oń yqpalyn tıgizetin bolady», - dedi mınıstr.
Óz kezeginde Májilis tóraǵasy Nurlan Nyǵmatýlın atalǵan zań jobasyna qatysty pikir bildirdi.
«Elimizdiń saıası baǵytyn jańǵyrtý jolynda taǵy bir naqty qadam jasaldy deýge bolady. Búgingi maquldanǵan zań jobalaryna Memleket basshysy Qasym-Jomart Kemelulynyń tapsyrmasyna sáıkes, kóptegen mańyzdy ózgerister engizildi. Endi, saıası partııany tirkeý úshin qajetti músheler sany 40 myńnan 20 myńǵa deıin qysqaratyn bolady. Sonymen birge, partııalardyń saılaý tiziminde endi áıelder men jastar úshin 30 paıyz mindetti kvota qaralady. Osynyń barlyǵy elimizdiń saıası-qoǵamdyq ómiri úshin mańyzdy ózgerister bolyp sanalady», - dedi Májilis tóraǵasy.
Foto: azattyq-ruhy.kz