Saıası partııalardyń tikeleı efırdegi sońǵy teledebaty bastaldy
ASTANA. KAZINFORM - 24KZ telearnasynyń tikeleı efırinde Qazaqstan tarıhyndaǵy alǵashqy Quryltaı saılaýyna qatysatyn saıası partııalar tóraǵalarynyń qatysýymen televızııalyq saılaýaldy debat bastaldy.
Sóz dodasynyń taqyryby: «Damyǵan ekonomıka – qýatty qoǵam».
Aıta keteıik, keshe tikeleı efırde debatqa qatysýshylardyń sóz sóıleý kezegin anyqtaıtyn jerebe tartý rásimi ótken bolatyn.
Quryltaı saılaýy aldyndaǵy sońǵy televızııalyq pikirtalasqa jeti saıası partııanyń jetekshileri qatysyp otyr. Olar myna rettilik boıynsha sóz tizginin alady:
1. Respublica partııasynyń tóraǵasy Aıdarbek Qojanazarov;
2. Baytaq partııasynyń tóraǵasy Azamathan Ámirtaev;
3. «Aq jol» demokratııalyq partııasynyń tóraǵasy Danııa Espaeva;
4. «Ádilet» partııasynyń tóraǵasy Aıbek Dádebaı;
5. «Aýyl» partııasynyń tóraǵasy Qaırat Aıtýǵanov;
6. Qazaqstannyń Jalpyulttyq sotsıal-demokratııalyq partııasynyń tóraǵasy Ashat Raqymjanov;
7. Qazaqstan Halyq partııasynyń tóraǵasy Nursultan Shoqanov.
Debat, ádettegideı, tórt kezeńnen turady. Qatysýshylarǵa óz partııasynyń saılaýaldy baǵdarlamasyn tanystyrýǵa, qarsylastaryna suraq qoıýǵa jáne kórermen joldaǵan saýaldarǵa jaýap qatýǵa múmkindik beriledi. Al tórtinshi bólimde partııa basshylary qorytyndy úndeýin jasaıdy.
Eske salaıyq, Quryltaı saılaýy aldyndaǵy teledebat buǵan deıin úsh ret uıymdastyryldy. Ótken aptada Jibek Joly arnasy tikeleı efırde kórsetken teledebatta partııa ókilderi eki spıkerden shyqty.
