Saıası partııalar popýlızmge salynbaýy kerek – saıasattanýshy
ASTANA. KAZINFORM – Saıasattanýshy Ǵazız Ábishev «Quryltaı saılaýy: konstıtýtsııalyq negizder jáne saıası transformatsııa» degen ataýmen uıymdastyrylǵan sarapshylar alańynda saılaý qarsańynda saıası partııalar neni eskerý kerek ekeni jóninde pikir bildirdi.
Eske salaıyq, Quryltaı depýtattarynyń saılaýy 2026 jyldyń 23 tamyzynda ótedi. Bir palataly Parlamentke 145 depýtat saılanady. Qazir saıası partııalar sezderin ótkizip, saılaýǵa qatysatyn kandıdattar tizimin bekitip jatyr.
– Saıası partııalardy úgit-nasıhat jumystary kútip tur. Olardyń qazir popýlızmge salynbaýy mańyzdy. Eldi damytýǵa baǵyttalǵan kózqarasy men ustanymdaryn qorǵap shyǵýy kerek, – dedi Ǵazız Ábishev.
Odan bólek, is-sharada sarapshylar konstıtýtsııalyq reforma, jańa saıası ınstıtýttar, memlekettik damýdyń turaqty modelin qurýda qoǵamdyq dıalogtyń róli tárizdi taqyryptardy talqylady.
Aıta keteıik, buǵan deıin Quryltaı barlyq memlekettik ınstıtýttyń legıtımdiliginiń bastaýy bolatynyn jazǵanbyz.
