Saıası partııalar Májiliske árbir kandıdaty úshin 637 myń teńge jarna engizedi

NUR-SULTAN. QazAqparat - Saıası partııalar Májilis depýtattyǵyna árbir kandıdat úshin 637 myń teńge jarna engizedi. Bul týraly QR Ortalyq saılaý koıssııasy tóraǵasynyń orynbasary Konstantın Petrov aıtty, dep habarlaıdy QazAqparat tilshisi.

«Májilis depýtattaǵyna kandıdattardyń partııalyq tizimin usynǵan saıası partııalar Ortalyq saılaý komıssııasynyń esepshotyna QR zańnamasymen bekitilgen eń tómengi jalaqynyń 15 eselengen kólemindegi saılaý jarnasyn partııalyq tizimge qosylǵan árbir tulǵaǵa engizedi. Partııalyq tizimge qosylǵan árbir tulǵa úshin saılaý jarnasynyń mólsheri 637 500 teńgeni quraıdy», - dedi ol OSK otyrysynda.

Onyń atap ótýinshe, buǵan deıingi Májilis saılaýynda daýys berýge qatysqan saılaýshylardyń 7 jáne odan kóp paıyz daýysyn alǵan saıası partııalar saılaý jarnasyn engizýden bosatylady.

«Olar ózderińiz biletindeı, «Nur Otan» partııasy, «Aq jol» Qazaqstannyń demokratııalyq partııasy, Qazaqstannyń kommýnıstik halyq partııasy», - dedi Konstantın Petrov.