Saıası naýqan ádil ótti: Májilis spıkeri saılaý qorytyndysy týraly pikir bildirdi

ASTANA. QazAqparat – Májilis tóraǵasy Erlan Qoshanov Májilis saılaýynyń qorytyndysy týraly pikir bildirdi, dep habarlaıdy QazAqparat tilshisi.

«Halyq daýys berdi. Bul ádil, ashyq saılaý boldy dep esepteımin. Amanat-tyń 53,9% daýys alǵany laıyqty jeńis dep esepteımin. Biz partııalastarymyzben birge óńirlerdi aralap, túkpir-túkpirdegi eldi mekenderge de bardyq. Іs júzinde árbir eńbek ujymymen kezdestik. Jeke ózim qoldaýdy sezindim. Biz 53,9% daýys aldyq, bul - laıyqty jeńis», - dedi Májilis tóraǵasy kýlýarda.

Sondaı-aq, saılaý saılaý qorytyndysyna kóńili tolmaıtyndar týraly paıymyn aıtty.

«Qazir eshteńe aıta almaımyn. Men bar bolǵany Amanat partııasynyń tóraǵasy ǵanamyn. Jeńilgenderdiń árdaıym kóńili tolmaıdy. Men búkil jerde sonshalyq bir ajıotaj boldy dep oılamaımyn. Jeńilip qalǵandar bir jerde ashý bildirip jatqan shyǵar. Bul endi túsinikti. Eger jekelegen saılaý ýchaskelerinde zańbuzýshylyq bolsa, onymen prokýratýra, basqa organdar aınalysyp jatyr. Al negizinen jalpy búkil memleketimiz boıynsha zańbuzýshylyq boldy degenge kelise almaımyn. Jalpy saılaý ádil, taza ótti», - dedi Erlan Qoshanov.