Saıası memlekettik qyzmetshiler sany 8 esege qysqarady - Prezıdent
ASTANA. 28 qarasha. QazAqparat - Qazaqstanda saıası memlekettik qyzmetshiler sany 8 esege qysqarady.
Bul týraly búgin Aqordada barlyq deńgeıdegi ákimdermen ótkizgen keńeıtilgen májiliste Elbasy Nursultan Nazarbaev málim etti.
«Memlekettik qyzmettiń tıimdiligi túbegeıli arttyrylatyn bolady. Bul tikeleı sizderge qatysty»,-dedi Memleket basshysy óz sózinde.
Osy oraıda kásibı basqarýshylardyń korpýsy qalyptastyrylatynyn basa aıtqan QR Prezıdenti: «Saıası memlekettik qyzmetshilerdiń sany 8 esege qysqarady jáne memlekettik organdardyń basshysymen onyń orynbasarlary ǵana qalady»,-dedi.
Bul rette Elbasy mınıstrdiń, jaýapty hatshynyń, ákimniń, apparat jetekshisiniń ókileti naqty shekteletindigin basa aıtty. «Mınıstrler men ákimder kadrlyq máselelermen jáne ortalyqtan alynatyn qarjyny bólýmen aınalyspaı, salalyq saıasat pen óńirdi damytý máselelerimen naqty aınalysýy kerek»,-dedi N. Nazarbaev.
