Saıası laýazymdaǵylardyń ortasha jasy 48-di quraıdy - Á. Báımenov
ASTANA. 16 qyrkúıek. QazAqparat - Saıası laýazymdaǵylardyń ortasha jasy 48-di, «B» korpýsyndaǵy memlekettik qyzmetshilerdiń ortasha jasy - 39-dy, al «A» korpýsynda - 44 jasty quraıdy. Bul týral búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Memlekettik qyzmet isteri agenttiginiń tóraǵasy Álıhan Báımenov málim etti.
«Buqaranyń nazarynda kóbinese «A» boldy. Atap aıtqanda búginde memlekettik qyzmetshilerdiń 98 paıyzy «B» korpýsyna tıesili. Sol sebepti «B» korpýsyna qatysty aýys-túıistiń, ıaǵnı basshynyń sońynan komandalyq shubap júretin úrdis toqtatyldy. Úsh aıdyń ishinde 50 ese azaıdy. Bul teńdesi joq kórsetkish», - dedi agenttik basshysy.
«B» korpýsyna konkýrstarǵa úmitkerkerlerdiń bir orynǵa shaqqandaǵy sany 2 esege jýyq joǵarylady. Aýyl ákimshiligindegi mamandardan bastap, ortalyq organdardy mamandandyrýǵa deıingi konkýrstyq komıssııanyń otyrystarynda sizder qazir baqylaýshy retinde qatysa alasyzdar», - dedi Á. Báımenov.
