Saıası qyzmetshilerdiń derbes jaýapkershiligi artady
«Ekonomıkany tsıfrlandyrý jumysyn kúsheıtý kerek. Aqparattyq júıelerdiń biryńǵaı platformaǵa ıntegratsııalanýyn qamtamasyz etý qajet. Memlekettik qyzmetterdi barynsha elektrondy formatqa kóshirip, olardy halyqqa usyný protsesin jeńildetý kerek», - dedi Premer-Mınıstr.
Álıhan Smaıylov bul mindetti mınıstrlikter men ákimdikter birlesip iske asyrýy tıistigin basa aıtty.
«Memlekettik basqarý júıesin qaıta qurý jalǵasady. Ákimshilik reforma aıasynda saıası qyzmetshilerdiń derbes jaýapkershiligin arttyryp, ókilettikti ortalyqsyzdandyrýǵa basa nazar aýdarylady. Fýnktsııalardy bere otyryp, olardyń sapaly oryndalýyna senimdi bolýymyz kerek. Sonymen qatar, memlekettik saıasatty iske asyrýda azamattyq qoǵamnyń rólin arttyrý qajet», - dedi Álıhan Smaıylov.
Úkimet basshysy mınıstrler men ákimder áleýmettik-ekonomıkalyq damýdyń barlyq josparlanǵan kórsetkishterin erekshe baqylaýda ustap, olardyń oryndalýyn qamtamasyz etýi tıistigin basa aıtty.
«Meniń orynbasarlarym ózderi jetekshilik etetin salalar men memlekettik organdar boıynsha úılestirý men baqylaýdy uıymdastyrsyn», - dedi Premer-Mınıstr.
