Saıası qýǵyn-súrgin qurbandaryn eske alý kúnine oraı Astanada ótetin is-sharalar
ASTANA. QazAqparat - 2014 jylǵy 31 mamyr - Saıası qýǵyn-súrgin jáne asharshylyq qurbandaryn eske alý kúnine oraı Astanada birqatar qoǵamdyq-saıası sharalar ótkizý josparlanyp otyr, dep habarlaıdy ákimdiktiń baspasóz qyzmetinen.
1) 30 mamyr kúni saǵat 10.00-de «XX ǵasyrdyń 30-shy jyldaryndaǵy Qazaqstandaǵy saıası qýǵyn-súrgin jáne asharshylyq» taqyrybynda ǵylymı tájirıbelik konferentsııasy ótedi («Іsker» bıznes ortalyǵynyń májilis zaly).
2) 31 mamyr kúni saǵat 11.00-de Saıası qýǵyn-súrgin jáne totalıtarızm qurbandarynyń «ALJIR» murajaı-memorıaldy kesheninde «Eske alý qabyrǵasyna» gúl qoıý rásimi jáne eske alý mıtıngisi ótedi.
3) 31 mamyr kúni saǵat 15.00-de «1932-1933 jyldardaǵy asharshylyq qurbandaryna taǵzym» Monýmentine (Abaı jáne Respýblıka dańǵyldarynyń qıylysy) gúl qoıý rásimi ótedi.
4) 31 mamyr kúni saǵat 11.00-de Sáken Seıfýllın eskertkishi janynda «Ótkenge qurmet - máńgilik mindet» jastar aktsııasy ótedi.
Sharalarǵa qalalyq máslıhat depýtattary, memlekettik organdar, zııaly qaýym, jastar men úkimettik emes uıymdar jáne BAQ ókilderi qatysady.
Saıası qýǵyn-súrgin jáne totalıtarızm qurbandarynyń «ALJIR» murajaı-memorıaldy keshenine barý úshin Aqmol aýylyna deıin avtobýstar marshrýty uıymdastyrylady. Qatysýshylar saǵat 9.00-de «Jastar» saraıy ǵımaratynyń aldynda jınalady.
Sonymen qatar, 30 mamyr kúni saǵat 11.00-de jáne 15.00-de «Qazaqstan» ortalyq kontsert zalynda Darıa Vıolına men Sergeı Pavlovskııdiń «Dolshe jıznı», «My býdem jıt» derekti fılmderiniń kórsetilimi ótedi.
