Saıası qýǵyn-súrgin qurbandaryn aqtaý jóninde kishi komıssııa qurylady

NUR-SULTAN. QAZAQPARAT – Saıası qýǵyn-súrgin qurbandaryn tolyq aqtaý jónindegi memlekettik komıssııanyń ekinshi otyrysynda jabyq arhıv qorlaryn kezeń-kezeńimen qupııasyzdandyrý jónindegi kishi komıssııa qurý týraly sheshim qabyldandy, dep habarlaıdy QazAqparat tilshisi.

Komıssııa otyrysynda Mádenıet jáne sport mınıstri Aqtoty Raıymqulova saıası qýǵyn-súrgin máseleleri jónindegi Arnaıy arhıv qoryn jáne Ulttyq jad ınstıtýtyn qurý boıynsha atqarylyp jatqan jumystar týraly málimet berdi.

Otyrysqa qatysýshylar Saıası qýǵyn-súrginder jónindegi jabyq arhıv qorlaryn jan-jaqty zerdeleý jáne olardy kezeń-kezeńimen qupııasyzdandyrý jónindegi kishi komıssııa qurý jóninde sheshim qabyldady.

Memlekettik hatshy, atalmysh komıssııanyń tóraǵasy Qyrymbek Kósherbaev vedomstvolyq jáne memlekettik arhıvterdiń qyzmetin jetildirýge, arhıvterdegi ǵalymdar men zertteýshilerdiń jumysy úshin qolaıly jaǵdaı jasaýǵa baǵyttalǵan birqatar tapsyrmalar berdi. Óńirlik komıssııalardyń qyzmetin jandandyrý jáne olardyń qyzmetin qarjylandyrý, sondaı-aq Memlekettik komıssııa qyzmetiniń aqparattyq strategııasyn qalyptastyrý mindetteri belgilendi.