Saıası qýǵyn kórgen japon azamatynyń qazaq jerindegi taǵdyry týraly spektakl kórsetiledi
ALMATY. QazAqparat - Muhtar Áýezov atyndaǵy Qazaq memlekettik akademııalyq drama teatry 91-maýsymyn «Aqtastaǵy Ahıko-san» dramasymen bastamaq.
Jańa qoıylym Qazaqstan Respýblıkasy Táýelsizdiginiń 25 jyldyǵyna arnalyp otyr, dep habarlaıdy QazAqparat teatrdyń baspasóz qyzmetine silteme jasap.
«Qarlagty» zertteýshi, zań ǵylymdarynyń doktory, professor, Qazaqstan Respýblıkasy Parlamenti Májilisiniń depýtaty Nurlan Dýlatbekovtiń ıdeıasy boıynsha dramatýrg avtory Mádına Omarova jazyp, Qazaqstannyń eńbek sińirgen qaıratkeri, rejısser Ashat Maemırov sahnalaǵan bul qoıylym, teatr ujymynyń Qazaqstan Táýelsizdiginiń 25 jyldyǵyna arnaǵan úlken jobasy», delingen habarlamada.
Qazaqstannyń teatr keńistiginde tuńǵysh ret kózi tiri saıası qýǵyn-súrgin qurbanynyń taǵdyry derekti dramaǵa arqaý bolyp, sahnadan alǵash ret kórsetiledi. Qoıylym premerasy 22-23 qazanda bolady.
Ahıko Tetsýro beınesi - barlyq qazaqstandyqtardy eldik pen birlikke, kelisim men yntymaqqa úndeıdi.
Basty róldi Qazaqstannyń eńbek sińirgen qaıratkeri Dýlyǵa Aqmolda somdaıdy.
Ahıko Keńes úkimeti kezinde jazyqsyz stalındik qýǵyn-súrginge ushyrap, 17 jasynda Qarlag túrmesine túsedi. Jastyq shaǵy azapty ómirmen ótedi. Bosap shyqqannan keıin Qaraǵandy mańyndaǵy Aqtas qalasynda turady. Ahıko týǵan Otanyna oralǵanymen, Qazaqstanǵa qaıtyp kelýdi jón kórgen.
Qazir Ahıko aqsaqal 85 jasta. Onyń 11 nemeresi, 5 shóberesi bar.
