Saıası kózqaras turǵysynan Keden odaǵy EýrAzEQ aıasyndaǵy yqpaldastyq úderistiń ózegine aınalady
STANA. Naýryzdyń 29-y. QazAqparat - Qazaqstan, Reseı jáne Belarýs elderi qurylǵan Keden odaǵy saıası kózqaras turǵysynan EýrAzEQ aıasyndaǵy yqpaldastyqtyń ózegi bolady. QR Prezıdenti janyndaǵy Qazaqstannyń Strategııalyq zertteýler ınstıtýtynyń bas ǵylymı qyzmetkeri Gúlnur Rahmatýllına osylaı dep sanaıdy.
liter.kz basylymyna bergen suhbatynda ol, ekonomıkalyq kózqaras turǵysynan - bul taýarlardyń erkin qozǵalysyna jaǵdaı jasaý, daǵdarystan keıingi kezeńde memlekettiń ornyqty damýynyń basty faktory ekenin atap atap kórsetti.
«Biz biryńǵaı kedendik tarıfti qalyptastyrýǵa keldik. Árıne, birqatar ustanymdar boıynsha ol Qazaqstan úshin joǵarylap otyr. Yqpaldastyq bolǵan soń, keıbir osyndaı máseleler bolmaı qoımaıdy. Biraq taraptardyń úkimetteri el bıýdjeti kóp shyǵyn joǵaltpas úshin, ótemaqylar tetigine jasaýǵa kelýde», deıdi qazaqstandyq saıasattanýshy.
Sarapshynyń aıtýynsha, Keden odaǵy - sonymen birge, Dúnıejúzilik saýda uıymyna qosylýǵa negizgi ázirlik. Bul - ózin naryqtyq básekeli ortada synaýdyń múmkindigi.
«Sondyqtan da básekege qabilettilikti kóterý kerek. Al ol úshin memleketimiz tıisti túrde baǵdarlamalarǵa qarjy bólip otyr. Ýaqytpen ilese jumys isteý kerek», dep sanaıdy G.Rahmatýllına.
