Saıası ekonomıkany meńgermeı jatyp, qandaı da bir salaǵa mamandanýda joǵary biliktilikke qol jetkizý qıyn - Sankt-Peterbor ýnıversıtetiniń professory V. Rıazanov
ALMATY. 4 qarasha. QazAqparat /Erlik Erjanuly/ - Ekonomıkalyq teorııa bolashaqtyń negizin qalaıdy. Saıası ekonomıkany meńgermeı jatyp, qandaı da bir salaǵa mamandanýda joǵary biliktilikke qol jetkizý qıyn.
Sankt-Peterbor ýnıversıtetiniń professory, ekonomıka ǵylymynyń doktory Vıktor Rıazanov búgin Almatydaǵy Turar Rysqulov atyndaǵy Qazaq ekonomıka ýnıversıtetiniń ekonomıst ǵalymdary aldynda oqyǵan dárisinde osylaı aıtty.
Qazir teorııalyq máselemen aınalysyp júrgender óte az. Ǵalymnyń eńbegi birden nátıje bermeıdi. Onyń jemisin tek birneshe jyldan keıin kórýge bolady. Sondyqtan ǵalym-oqytýshynyń mártebesin kótermeı ǵylymdy damytý qıyn", - deıdi V.Rıazanov. Professordyń aıtýynsha, ótpeli kezeńde materıaldyq baılyq rýhanıattyń aldyna shyǵyp ketti. Bul úrdis ǵylymǵa, ekonomıkaǵa óz yqpalyn tıgizdi. Qazir ekonomıkalyq teorııany oqytýda saıası ekonomıka degen ataýdyń ózi qyzý pikirtalasqa túsýde. Bul jerde mańyzdysy nátıje bolyp otyr. Jalpy oqý oryndarynda saıası ekonomıkany oqytýdyń qazir 3 joly bar. Birinshisi, Markske jáne onyń "Kapıtalyna" qazirgi zaman turǵysynan qaıta oralý. Ekinshisi, saıası ekonomıkany sıntezdeý. Úshinshisi, naqty elderdi zertteý.
