Saıasattanýshy: Tramp pen Klınton «sýperseısenbiniń» bastapqy saılaýynda jeńedi
ASTANA. QazAqparat - Respýblıkashyl Donald Tramp pen Demokratııalyq partııanyń ókili Hılları Klıntonnyń AQSh prezıdentiniń barlyq derlik bastapqy saılaýynda jeńiske jetýge tamasha múmkindikteri bar.
«Sýperseısenbiniń» aldynda RIA Novostı agenttigine bergen suhbatynda Notr-Dam (Indıana shtaty) ýnıversıtetinde saıasattaný professory Djeffrı Leıman osyndaı boljam jasady.
«Men Tramp Tehastan basqa barlyq shtattarda bastapqy saılaýda (praımerız) jeńiske jetedi dep oılaımyn. Al Klınton barlyq derlik demokratııalyq daýys berýde basym túsedi», - dedi ol.
Sarapshy «sýperseısenbiniń» saılaýaldy naýqandaǵy rólin «barynsha mańyzdy» dep atady. «Bárinen buryn, báseke endi ulttyq deńgeıge shyǵyp otyr. Basqa sózben aıtqanda, buryn, bastapqy saılaý men partııalyq aktıvterdiń otyrystary tek qandaı da bir shtatta ǵana ótse, endi olar bir kúnde birden birneshe shtattarda jarysqa túsedi. Osylaısha, «sýperseısenbi» úmitkerdiń tek jergilikti emes, jahandyq jarystardan óte alýynyń tekserisi bolmaq», - dep atap ótti ol.
