Saıasattanýshy: Reks Tıllerson Qazaqstannyń barlyq bastamalaryna senim bildirdi

BAKÝ. QazAqparat - Nıý-Iorkte BUU Bas Assambleıasyna jınalǵan mártebeli dıplomattar men saıasatkerlerdiń barlyǵy halyqaralyq máselelerdi sheshýdegi Qazaqstannyń róline joǵary baǵa berip otyrǵany qýantady, deıdi ázerbaıjandyq saıasattanýshy Táýfıq (Tofık) Abbasov. Muny ǵalym «QazAqparat» HAA-nyń Ázerbaıjandaǵy tilshisine bergen suhbatynda aıtty.

«AQSh Memlekettik hatshysy Tıllerson bul jaıly keńinen ári senimdi túrde aıtty. Onyń pikirinshe, jahandyq qarýsyzdandyrý jáne ıadrolyq qarýdy taratpaý úderisindegi Qazaqstannyń róline laıyqty baǵasyn berý qajet. Amerıkalyq saıasatker buǵan keńinen toqtaldy. Óıtkeni Koreı túbegindegi jaǵdaı barǵan saıyn ýshyǵýda, - deıdi Táýfıq (Tofık) Abbasov. - Sondyqtan da Reks Tıllerson qarýsyzdandyrý úderisinde mańyzdy oryn alatyn Astananyń rólin erekshe atap kórsetti. Onyń paıymdaýynsha, Qazaqstan qazirgi kezde kópke úlgi bolyp otyr. ıAdrolyq qarýdan óz erkimen bas tartyp, basqa elderdi osyǵan nasıhattaý arqyly salaýatty pikir modelin kórsetti», - deıdi saıasattanýshy.

Spıker, sondaı-aq osy jetistikterge jetýde Qazaqstan men AQSh jáne basqa elder arasyndaǵy yntymaqtastyqtyń orny erekshe ekenin bildirdi. Suhbat sońynda sarapshy: «Kóptegen halyqaralyq máselelerdi sheshýdegi Prezıdent Nazarbaevtyń jeke rólin joǵary baǵalaı otyryp, Tıllerson Qazaqstannyń ıAdrolyq qarýdy taratpaý týraly kelisim qaǵıdalaryn saqtaý boıynsha bastamalaryna senim bildirdi», - dedi.