Saıasattanýshy Marat Tájınniń taǵaıyndalý sebepterine qatysty óz boljamdaryn usyndy
Marat Tájınniń Prezıdent Ákimshiligine qaıta taǵaıyndalýyn, saıasattanýshy «birshama qyzyq taǵaıyndaý boldy» dep esepteıdi.
Onyń pikirinshe, Marat Tájın Prezıdent Ákimshiligine saıası quramnyń rólin arttyrý maqsatynda qaıta qyzmetke alyndy, sebebi ol qyzmet «sońǵy kezderi qatty álsirep qalǵan bolatyn». Ekinshi baǵyt, boljamdarǵa baılanysty. «Memlekettik organdardyń basym bóligi ekonomıkalyq jáne saıası turǵydaǵy úrdisterdi, óz sheshimderiniń saldarlaryn boljaýdy áli úırene qoımaǵandyǵyn tájirıbe kórsetip otyr», - dedi Dosym Sátpaev.
Sarapshynyń esepteýinshe, PÁ basshysynyń jańa orynbasary memlekettiń aqparattyq saıasatyn jańǵyrtý isimen aınalysatyn bolady.
«Kóp jyldar boıy ol Memleket basshysynyń janynda ıdeolog retinde jumys istedi jáne ol memlekettiń ishki saıasatyna qatysty birqatar baǵdarlamalardyń jasaqtaýshysy boldy. Meniń oıymsha, olqylyqtardy túzeý úshin onyń osy tájirıbesi men qabileti qazir qajet bolǵan da shyǵar, - deıdi ol. - Onyń ústine bılik tarmaqtaryn bólý boıynsha jumys tobynyń qurylǵan sátinde kelýi tegin emes sııaqty. Sebebi onyń quramyna PÁ basshysy kirip otyr».
Saıasattanýshynyń oıynsha, Marat Tájın de Prezıdent Ákimshiligi basshysynyń orynbasary retinde osy isterge qatysýy ábden múmkin.
