Saıasattanýshy: Kez kelgen saılaý – halyqtyń memlekettik saıasatqa degen kózqarasynyń kórinisi
«Kez kelgen saılaý – halyqtyń memlekettik saıasatqa degen kózqarasynyń kórinisi, qys mezgilinde, pandemııa kezinde saılaýǵa halyqtyń 63%-y qatysýy – joǵary kórsetkish. Bul qazirgi ýaqytta Qazaqstan qoǵamy úshin júrgiziletin reformalardyń qorytyndysy mańyzdy degendi bildiredi. Eshbir memleket pandemııadan saqtandyryla almady. Eń damyǵan memleketterdiń ózi koronavırýspen kúresýdiń eń jaqsy mehanızmin kórsete almady», - deıdi ázerbaıjandyq saıasattanýshy Farhad Mammadov.
Ol osy kezeńnen óte alǵan memleketter úshin kelesi jyl úlken serpilis alyp keletinin aıtty.
«Memleket basshysy Qasym-Jomart Toqaevtyń baǵdarlamalyq maqalasyna toqtalyp ótkim keledi. Bul jańa urpaqqa degen jańa kózqaras, óıtkeni maqalada urpaqtyń aýysýy bolatyndyǵy týraly óte durys atap ótilgen. Táýelsizdikti saqtaý, ony nyǵaıtý óte mańyzdy element bolyp sanalady. Ulttyq biregeılikti saqtaý jáne ony tanymal etý – óte mańyzdy element. Jaqyn arada jańa Úkimettiń jasaqtalýy, ol sheshýi tıis mindetterdi jarııalaý kútilýde. Negizinde bizdi jasampazdyq pen damý jyldary kútip tur», - deıdi ol.
