Saıasattanýshy Qazaqstandaǵy JOO-lardyń birin Á.Bókeıhanulynyń esimimen ataýdy usyndy
ASTANA. QazAqparat - L.Gýmılev atyndaǵy Eýrazııa ulttyq ýnıversıteti saıasattaný kafedrasynyń dotsenti, PhD doktory Jaqsylyq Sábıtov Qazaqstanda ýnıversıtetterdiń birin Álıhan Bókeıhanulynyń esimimen ataýdy usyndy.
«Qazaqstanda kóptegen tarıhı tulǵalar áli kúnge deıin óz deńgeıinde baǵasyn alǵan joq. Máselen, sondaı tulǵalardyń biri - Álıhan Bókeıhanov. Kelesi jyly biz onyń 150 jyldyǵyn atap ótemiz», - dedi ǵalym.
Onyń aıtýynsha, «Alash Orda» kósemi Keńes úkimetindegi oqýlyqtarda jazylǵandaı ultshyl emes edi, ol - ulttyń naǵyz maqtanshy.
«Á.Bókeıhanuly - Alashordanyń qalyptasýyna ólsheýsiz úles qosqan adam. Onyń esimi birde-bir ýnıversıtetke berilgen joq. Bul - menińshe, óte úlken olqylyq», - dedi ol QR Prezıdenti janyndaǵy Ortalyq kommýnıkatsııalar qyzmetinde ótken brıfıngte J. Sábıtov.
