Saıasattanýshy: Áýejaılarǵa tulǵalardyń esimin berý - batys tájirıbesi
ASTANA. QazAqparat - Saıasattanýshy Talǵat Qalıev Astana áýejaıyna Nursultan Nazarbaevtyń esimin berý týraly Úkimet Qaýlysyna qatysty pikir bildirdi, dep habarlaıdy QazAqparat.
«Shyn máninde bul burynnan kútilgen sheshim edi. Osy turǵydaǵy bastama birneshe márte jarııalanǵan bolatyn, sondyqtan áýejaıdyń Prezıdent atyn alǵany ábden qısyndy. Ózderińiz bilesizder, áýejaılarǵa adam esimderin berý tájirıbesi negizinen batystyq demokratııalyq álemge tán. Atap aıtqanda, buny basqasha túsingen durys. Parıjdegi áýejaı Sharl de Goll atynda, sondaı-aq Nıý-Iork qalasynda Kennedı esimi, Vashıngton shaharynda Dalles esimi berilgen áýejaılar bar. Bul negizinen batystyq tájirıbe»,-dep túsindirdi ol.
Onyń sózine qaraǵanda, postkeńestik keńistikte áýejaılar ásirese ataýsyz boldy.
«Bul turǵyda biz burynǵy keńestik belgiden ketetin bolamyz. Áýejaıdyń kody bizde áli de TSE dep belgilengen. Osy oraıda bul sheshim kodırovkany ózgertýge jaqsy sebep bolady dep oılaımyn»,-deıdi saıasattanýshy.
«Aıtpaqshy, Túrkııada Atatúrik áýejaıy bar. Bul óz kezeginde áýejaıdy tanýǵa erekshe mán beredi. Búginde Nazarbaev Ýnıversıtetin tanymal ári bedeldi oqý orny retinde el turǵyndarymen qatar, sheteldikter de tanıdy. Sondyqtan da áýejaı da osyndaı tanymaldyqqa ıe bolady dep senemin»,-dep túıindedi sózin Talǵat Qalıev.
Esterińizge sala keteıik, Astana halyqaralyq áýejaıy Elbasy Nursultan Nazarbaevtyń esimimen atalatyn boldy . QR Úkimetiniń tıisti Qaýlysy búgin BAQ-ta jarııalandy.
