Saıasattaný mamandyǵyn dıplom úshin oqyp júrgender bar - Aıdos Sarym
«Qazaqstanda saıasattanýshylardyń birneshe uıymy jumys istedi, olardyń atqaratyn fýnktsııalary ártúrli boldy. Saıasattaný qaýymdastyǵynyń halyqaralyq uıymdarda bedelge ıe sýbektke aınalyp, kásibı standarttar sheshimin shyǵarý úshin olarǵa birigý qajet. Sheshim qabyldaý protsesine yqpal ete alatyn biryńǵaı kúshti uıym qurý kerek», - dedi Aıdos Sarym elordada ótken Qazaqstan saıasattanýshylarynyń Kongresinde.
Onyń aıtýynsha, saıası tranzıt pen jýyrda ótetin saılaý myqty saıası bilimdi talap etedi, sondyqtan da elimizge, ásirese óńirlerge sapaly sarapshylar qajet.
«Qoǵam ashylǵan saıyn yryqtandyrý men reformalar protsesi jalǵasa beredi. Osyǵan baılanysty, álemdik tájirıbeden habary bar sarapshylardyń, saıasattanýshylardyń pikirleri qajet-aq. Ásirese óńirlerde bizdiń áriptesterimizge suranys joq, olar sheshim qabyldaý protsesine qatyspaıdy. Al eger belsendi saıası báseke bolsa, saıası saraptama men saıası baǵdarlamalar ázirleý qajet bolady, oblystarda balama jobalar bolýy tıis. Bul úshin uıymdastyrý jumystaryn kúsheıtý qajet», - dep esepteıdi Aıdos Sarym.
Sonymen birge, ol saıasattaný mamandyǵynda oqyp jatqan qazirgi qazaqstandyq stýdentterdiń qanshalyqty suranysqa ıe ekenine baǵa berdi.
«Kóptegen joǵarǵy oqý oryndaryndaǵy jaǵdaıdy bilemin. Stýdentterdiń basym bóligi saıasattaný mamandyǵy boıynsha oqý bitiredi de, óz mamandyǵymen jumys istemeıdi. Keıbiri sheneýnik bolady, keıbiri bızneske ketedi. ıAǵnı, olar dıplom úshin ǵana oqyp júrgen sııaqty. Men úshin bul jaǵdaı óte aýyr, sebebi bul oqýǵa memlekettiń nemese ata-ananyń qarajaty ketti. Saıasattaný mamandyǵy óte qyzyq, el ishinde jáne halyqaralyq tájirıbeler jeterlik», - dedi saıasattanýshy.
Odan bólek, A. Sarym saıasattaný kafedralaryn qysqartý nemese basqa pándermen biriktirý úrdisi bar ekenin atap ótti.
«Ókinishke qaraı, mundaı másele bar, tipti fılosofııa, tarıh syndy aýqymdy pánder de qysqartýǵa tústi. Árıne, memleket ınjenerler men dárigerlerge muqtaj shyǵar. Biraq, olar fılosofııa men gýmanıtarlyq pánderdi qatar meńgerse, olardyń sapasy artady. Bul - aksıoma, ony biz oılap tapqan joqpyz. Bizdiń qaýymdastyq QR Bilim jáne ǵylym mınıstrligine, joǵarǵy oqý oryndaryna shyǵyp, dál osy pánderdiń saǵatyn kóbeıtýdi talap etýi kerek», - dedi Aıdos Sarym.
